საპარლამენტო უმრავლესობის წევრი თამაზ მეჭიაური არ ფიქრობს, რომ „რესპუბლიკურმა პარტიამ“ პარლამენტი უნდა დატოვოს.

როგორც მეჭიაურმა კოალიცია  „ქართული ოცნების“ ცენტრალურ ოფისთან, ფრაქციის სხდომის დაწყებამდე  ჟურნალისტებს განუცხადა, რადიკალური გადაწყვეტილებების მომხრე არც მაშინ იყო, როცა გოგი თოფაძისთვის დეპუტატის მანდატის შეწყვეტას ითხოვდნენ.

„რადიკალური გადაწყვეტილებების მომხრე არც მაშინ ვიყავი, როცა თოფაძისთვის მოითხოვდნენ პარლამენტის დატოვებას და არც ახლა ვარ“,-აღნიშნა თამაზ მეჭიაურმა.

მეჭიაურის თქმით, მისთვის დაზუსტებით არ არის ცნობილი, თუ რა საკითხები განიხილება პოლიტსაბჭოს სხდომაზე.

„დილის 6 საათზე ჩამოვედი საქართველოში. არ ვიცი, თუ რა საკითხებზე იქნება მსჯელობა. ალბათ, სხვადასხვა საკითხებზე იქნება საუბარი. არ შევხვედრივართ გიორგი კვირიკაშვილს რაც ის  გახდა ჩვენი პარტიის ხელმძღვანელი და ალბათ იქნება ყველა საჭირბოროტო საკითხზე საუბარი. ალბათ, ეროვნული ბანკის საბჭოს წევრობის თემაზე ვისაუბრებთ.  არ არის გამორიცხული ზოგად კონტურებზეც იყოს საუბარი, პარტიულ სიაზე, თუ კოლაციასთან თანამშრომლობაზე“,-განაცხადა მეჭიაურმა.

დეპუტატისთვის უცნობია, დაესწრება თუ არა დღევანდელ სხდომას ყოფილი პრემიერ-მინისტრი ბიძინა ივანიშვილი.

თუმცა მეჭიაური აღნიშნავს, რომ ძალიან კარგი იქნება, თუ ივანიშვილი პოლიტსაბჭოს სხდომაზე მივა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო