დონალდ ტრამპი ეროვნული დაზვერვის დირექტორის თანამდებობაზე ყოფილ დემოკრატ კონგრესმენს, ტულსი გაბარდს დანიშნავს. "20 წელიწადზე მეტია, რაც ტულსი ჩვენი ქვეყნისთვის და ყოველი ამერიკელის თავისუფლებისთვის იბრძვის. როგორც დემოკრატიული პარტიის საპრეზიდენტო კანდიდატობის ნომინანტს, მას მხარდაჭერა ჰქონია ორივე პარტიაში - და ის ახლა ამაყი რესპუბლიკელია! მე მჯერა, რომ ტულსი ჩვენს სადაზვერვო საზოგადოებას უშიშარ სულისკვეთებას მოუტანს, რამაც მისი ბრწყინვალე კარიერა განსაზღვრა, მხარს დაუჭერს ჩვენს კონსტიტუციურ უფლებებს და ძლიერების მეშვეობით მშვიდობას შეინარჩუნებს". - წერია ტრამპის ოფიციალურ განცხადებაში. გაბარდმა დემოკრატიული პარტია 2022 წელს, კონგრესში ჰავაის 8-წლიანი წარმომადგენლობის შემდეგ დატოვა. იგი 2020 წელს დემოკრატიული პარტიის საპრეზიდენტო პრაიმერშიც იღებდა მონაწილეობას, თუმცა პრაიმერის განმავლობაშივე კანდიდატურა მოხსნა. გაბარდი ტრამპს დემოკრატიული პარტიის საპრეზიდენტო კანდიდატ კამალა ჰარისთან 10 სექტემბრის დებატებისთვის მოსამზადებელ პროცესებშიც დაეხმარა. როგორც გამოცემა CNN წერს, გაბარდი იზიარებდა ტრამპის გარკვეულ იზოლაციონისტურ შეხედულებებს, მათ შორის, მოსაზრებას სირიიდან აშშ-ს ჯარების გამოყვანასთან დაკავშირებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ