ბეირუთზე განხორციელებული ავიაიერიშის შედეგად მოკლულია დაჯგუფება "ჰეზბოლას" წევრი სუჰიელ ჰუსეინ ჰუსეინი, რომელიც ირანიდან იარაღის მიწოდებაზე იყო პასუხისმგებელი. ამის შესახებ ინფორმაციას The Times Of Israel-ი ავრცელებს.

მედიის ცნობით, ჰუსიენი ირანული იარაღის ტრანსპორტირებისა და "ჰეზბოლას" ქვედანაყოფებში მისი დარიგების პროცესს მართავდა.

"ჰუსეინი ასევე პასუხისმგებელი იყო "ჰეზბოლას“ ბიუჯეტის შედგენაზე და კოორდინაციას უწევდა დაჯგუფების მიერ ორგანიზებულ ტერორისტულ თავდასხმებს, რომლებიც მიმართული იყო ისრაელის, ლიბანისა და სირიის წინააღმდეგ",- განაცხადეს ისრაელის თავდაცვის ძალებში (IDF).

თავდაცვის ძალების მიერ ლიბანში წამოწყებული სახმელეთო ოპერაციის ფარგლებში ამ დრომდე ლიკვიდირებულია „ჰეზბოლას“ 450 მებრძოლი, მათ შორის დაჯგუფების ლიდერი ჰასან ნასრალა და 30 სხვა მაღალჩინოსანი.

ავტორი: ექსპრესნიუსი,

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე