ის ფორმა და შინაარსი, რომლითაც ბატონი მამუკა ახვლედიანის გათავისუფლება მოხდა, არ შეიძლება ამ ადამიანის დევნის შთაბეჭდილებას არ ტოვებდეს, - ამის შესახებ საპარლამენტო უმცირესობის ლიდერმა, დავით ბაქრაძემ ჟურნალისტებს განუცხადა.

როგორც ბაქრაძე აღნიშნავს, ახვლედიანის დევნა, ისევე როგორც გიგი უგულავას 24 საათში დაპატიმრება და ისე როგორც მოსამართლე ურთმელიძის მოქმედებებმა "რუსთავი-2"-ის საქმეზე აჩვენებს, რომ სასამართლოს თავისუფლება არის "ქართული ოცნების" კიდევ ერთი ტყუილი.

"თბილისის საქალაქო სასამართლოსთან და მათ შორის მის თავმჯდომარესთან, ჩვენ ძალიან სერიოზული პრეტენზიები გვქონდა, როდესაც საკითხები თუნდაც გიგი უგულავას დაპატიმრებას, "რუსთავი 2"-ის საქმეს ეხებოდა, მაგრამ მიუხედავად ამ პრეტენზიებისა, ის ფორმა და შინაარსი, რომლითაც ბატონი მამუკა ახვლედიანის გათავისუფლება მოხდა, არ შეიძლება ამ ადამიანის დევნის შტაბეჭდილებას არ ტოვებდეს, როდესაც მოსამართლე გამოდის და საუბრობს სისტემაში არსებულ პრობლემებზე, კორუფციაზე, ზეწოლაზე და ამ ყველაფრის პასუხად მას თანამდებობიდან ათავისუფლებენ.

რა თქმა უნდა, ეს მკაფიოდ დევნის შთაბეჭდილებას ტოვებს. ეს საკითხი არის გამოსაძიებელი. თვითონ სასამართლოს ინტერესებშივე უნდა იყოს, რომ ამ საკითხთან მიმართებაში კითხვის ნიშნები არ დარჩეს. რაც შეხება პოლიტიკურ შეფასებს, მე ვიტყოდი, რომ ბატონი ახვლედიანის დევნა, ისევე როგორც გიგი უგულავას 24 საათში დაპატიმრება და ისე როგორც მოსამართლე ურთმელიძის მოქმედებებმა "რუსთავი-2"-ის საქმეზე, აჩვენა, რომ სასამართლოს თავისუფლება გახლავთ კიდევ ერთი ტყუილი და ისეთივე ტყუილი დაპირება, როგორიც "ქართულმა ოცნებამ" ეკონომიკასთან, სამუშაო ადგილებთან, დასაქმებასთან და მთელ რიგ სხვა დაპირებებთან ერთად გასცა.

რაც შეეხება კომისიას, ის უნდა შეიქმნას, მეტს ვერაფერს ვიტყვი", - განაცხადა დავით ბაქრაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო