ევროკავშირი გააგრძელებს უკრაინის მხარდაჭერას, მიუხედავად იმისა, თუ რას გააკეთებს ამერიკის შეერთებული შტატები,- ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა განაცხადა.

როგორც ბორელმა გაეროს უშიშროების საბჭოს სხდომის დასრულების შემდეგ, ექსპრეზიდენტ დონალდ ტრამპის თეთრ სახლში შესაძლო დაბრუნებისა და მის მიერ ომის დასრულების შესაძლებლობის შესახებ ჟურნალისტის კითხვის საპასუხოდ აღნიშნა, "დაელოდება, ვიდრე ტრამპი კვლავ თეთრ სახლში დაჯდება", რათა მისი წინადადებები განიხილოს.

"ტრამპი ამ მომენტისთვის მხოლოდ კანდიდატია. დაველოდები, ვიდრე კვლავ დაჯდება თეთრ სახლში, რომ განვიხილო მისი წინადადებები. თავიდან არავის ეგონა, რომ უკრაინა წინააღმდეგობას გაუწევდა და რა შევთავაზეთ უკრაინას თავდაპირველად? ჩვენ შევთავაზეთ ჩაფხუტები, ახლა კი – F-16-ებს ვთავაზობთ. განსხვავება საგრძნობია, არა? ჩვენ უნდა გავაგრძელოთ. არ ვიცი, რას გააკეთებენ ან არ გააკეთებენ ამერიკელები, ახალი პრეზიდენტი, მაგრამ აქამდე ევროკავშირის მხარდაჭერა -  სამხედრო, სამოქალაქო, ეკონომიკური, ფინანსური, ჰუმანიტარული - უფრო დიდია, ვიდრე აშშ-სგან. 100 მილიარდ ევროზე მეტია ის თანხა, რომელიც ჩვენ გადავიხადეთ, საიდანაც 45 მილიარდი სამხედრო მხარდაჭერისთვისაა. რა თქმა უნდა, ეს ნაკლებია, ვიდრე აშშ-ის სამხედრო მხარდაჭერაა, მაგრამ ესეც მნიშვნელოვანი ციფრია“,- განაცხადა ბორელმა.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ