რუსეთის არმიამ მართვადი საავიაციო ბომბებით ხარკოვი კიდევ ერთხელ დაბომბა. ამის შესახებ ინფორმაციას უკრაინული მედია ავრცელებს.

როგორც ხარკოვის ოლქის სამხედრო ადმინისტრაციის ხელმძღვანელი ოლეგ სინეგუბოვი აღნიშნავს, ერთ-ერთი ბომბი საცხოვრებელ მრავალსართულიან შენობას მოხვდა, რის შედეგადაც სულ მცირე, 21 ადამიანი დაშავდა, მათ შორის არის სამი ბავშვი.

უკრაინის შინაგან საქმეთა სამინისტროს ინფორმაციით, რუსმა სამხედროებმა ქალაქს ჩამოაგდეს სამი FAB-500 250 კილოგრამიანი ავიაბომბი. ხარკოვის საოლქო პროკურატურამ განაცხადა, რომ გაშვება განხორციელდა ბელგოროდიდან.

"ქალაქში ორი ბომბი ჩამოვარდა. ერთ-ერთი მათგანი მოხვდა მრავალსართულიან საცხოვრებელ სახლს ხარკოვის შევჩენკოვის რაიონში", - განაცხადა სინეგუბოვმა.

ავტორი: ექსპრესნიუსი,

სოციალური ქსელები

აშშ-მ განაცხადა, რომ ირანის წინააღმდეგ „ისტორიაში ყველაზე მკაცრ სანქციებს“ დააწესებს

გამოქვეყნდა მისამართები, სადაც საქართველოში სკოლის ფორმების შეძენაა შესაძლებელი.

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა