საქართველოს მთავარი პროკურატურის საზოგადოებასთან ურთიერთობის სამსახურში ადასტურებენ, რომ უწყებაში შიდა საკადრო გადაადგილებების პროცესი მიმდინარეობს, თუმცა კონკრეტულ პროკურორების გადადგომასთან დაკავშირებით ინფორმაციას არც ადასრურებენ და არც უარყოფენ.

„გიდასტურებთ, რომ პროკურატურაში შიდა საკადრო გადაადგილებები მიმდინარეობს. ამ ეტაპზე სხვას ვერაფერს გეტყვით. კონკრეტულ გვარებთან დაკავშირებით ინფორმაციას ვერ მოგაწვდით“, - განმარტეს უწყების პრესცენტში.

ცნობისთვის, დაუდასტურებელი ინფორმაციით, პროკურატურაში საკადრო ცვლილებები განხორციელდა. არსებული ინფორმაციით, თანამდებობები დატოვეს სამეგრელო-ზემო სვანეთის საოლქო პროკურორმა გიზო უბილავამ და და ფოთის რაიონულმა პროკურორმა ალექსანდრე გოგუაძემ.

არსებული ინფორმაციით, სამეგრელო-ზემო სვანეთის ოლქის პროკურორის თანამდებობაზე სავარაუდოდ ილია ჯალაღანიას კანდიდატურა განიხილება. ის გიზო უბილავას ჩაანაცვლებს, რომელიც სავარაუდოდ საქმიანობას გლდანი-ნაძალადევის პროკურატურაში გააგრძელებს.

ფოთის პროკურატურას კი ალექსანდრე გოგუაძის ნაცვლად, ასევე გავრცელებული ინფორმაციით, გიორგი კოკაია უხელმძღვანელებს, რომელიც ამ დროისთვის პროკურორის მოადგილედ მუშაობს. სად გააგრძელებს ალექსანდრე გოგუაძე საქმიანობას, ამის შესახებ ცნობები არ ვრცელდება.

ჩვენ სამეგრელო-ზემო სვანეთისა საოლქო პროკურატურაში და ფოთის რაიონულ პროკურატურასთან დაკავშირებაც ვცადეთ, თუმცა პროკურატურის ოფისებში „ექსპრესნიუსის“ სატელეფონო ზარებს არ უპასუხეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შვილებს, მათ შორის, არასრულწლოვანს, მათივე ნების საწინააღმდეგოდ აიძულებდნენ ცოლად გაჰყოლოდნენ - პოლიციამ სამი პირი დააკავა თანასოფლელ მამაკაცებს

ბაზისბანკის მხარდაჭერით ფინანსური განათლების ეროვნული ჯილდო 2027 იწყება

ვენსი: უკრაინა „გარკვეული გაგებით“ პარტნიორია, მაგრამ მან უნდა შეწყვიტოს რუსეთის ნავთობგადამამუშავებელი ქარხნების დარტყმა

FT: ევროპა პუტინს შესთავაზებს მთელი დონბასის რუსეთისთვის გადაცემას ომის დასრულებისა და უკრაინის ნატოში გაწევრიანების სანაცვლოდ