საქართველოში შინაგან საქმეთა სამინისტროს ინტერპოლის ეროვნულ ცენტრალურ ბიუროს, სამუშაო ვიზიტით, ინტერპოლის გენერალური სამდივნოს სხვადასხვა სფეროს სპეციალისტები ესტუმრნენ.

შსს-ს ინფორმაციით, ვიზიტის ფარგლებში, შინაგან საქმეთა სამინისტროში შეხვედრა გაიმართა საქართველოში ინტერპოლის ეროვნული ცენტრალური ბიუროს, საპატრულო პოლიციის დეპარტამენტის, სახელმწიფო უსაფრთხოების სამსახურის საინფორმაციო-ანალიტიკური დეპარტამენტის, სპეციალური ოპერაციების დეპარტამენტის და ოპერატიულ-ტექნიკური დეპარტამენტის, სსიპ შემოსავლების სამსახურის საბაჟო დეპარტამენტის, გარემოს დაცვის სამინისტროს ბირთვული და რადიაციული უსაფრთხოების დეპარტამენტის თანამშრომლებთან.

შეხვედრაზე განიხილეს შს სამინისტროსა და თბილისის ინტერპოლის თანამშრომლობით, თბილისის საერთაშორისო აერპორტში, საცდელი ოპერაცია „CONDUIT“-ის ფარგლებში, სპეციალური სისტემის დამონტაჟების გეგმა, რომელიც მგზავრთა შორის საერთაშორისო ძებნილი პირების იდენტიფიცირებას და ასაფეთქებელი ნივთიერებების აღმოჩენას უზრუნველყოფს. ასევე, თბილისის აეროპორტის მაგალითზე განიხილეს და შეისწავლეს ბიოქიმიური და ბირთვული ტერორიზმის საფრთხეებზე მუშაობის სპეციფიკა.

მხარეებმა სამომავლოდ ინტერპოლის გენერალური სამდივნოს მხარდაჭერით ტრენინგების ჩატარების და სასაზღვრო გამტარ პუნქტებში შესაბამისი აღჭურვილობის განთავსება-უზრუნველყოფის შესახებ იმსჯელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შვილებს, მათ შორის, არასრულწლოვანს, მათივე ნების საწინააღმდეგოდ აიძულებდნენ ცოლად გაჰყოლოდნენ - პოლიციამ სამი პირი დააკავა თანასოფლელ მამაკაცებს

ბაზისბანკის მხარდაჭერით ფინანსური განათლების ეროვნული ჯილდო 2027 იწყება

ვენსი: უკრაინა „გარკვეული გაგებით“ პარტნიორია, მაგრამ მან უნდა შეწყვიტოს რუსეთის ნავთობგადამამუშავებელი ქარხნების დარტყმა

FT: ევროპა პუტინს შესთავაზებს მთელი დონბასის რუსეთისთვის გადაცემას ომის დასრულებისა და უკრაინის ნატოში გაწევრიანების სანაცვლოდ