2016-02-17 15:14:41, 417 ნახვა
პოლიტიკა
კალაძე: რამდენი სამინისტრო მოხვდება ოპტიმიზაციის გეგმაში, ამაზე უახლოეს მომავალში ვისაუბრებთ
შესაძლოა მთავრობაში გარკვეული ოპტიმიზაცია მოხდეს, - ამის შესახებ ვიცე-პრემიერმა, ენერგეტიკის მინისტრმა კახა კალაძემ განაცხადა.
მინისტრი ეროვნული ბანკის პრეზიდენტის გიორგი ქადაგიძის იმ განცხადებას გამოეხმაურა, სადაც ქადაგიძემ სამინისტროების შემცირების აუცილებლობაზე ისაუბრა.
„არ ვიცი, რას საუბრობდა და საუბრობს გიორგი ქადაგიძე. მე შემიძლია გითხრათ, რას საუბრობენ ჩვენთან გუნდში. რაზე საუბრობს ბატონი პრემიერმინისტრი. ზოგადად, სამომავლოდ, შესაძლებელია, მოხდეს გარკვეული ოპტიმიზაცია. თუ რამდენი სამინისტრო მოხვდება ოპტიმიზაციის გეგმაში, ამაზე უახლოეს მომავალში ვისაუბრებთ“, - განაცხადა კახა კალაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
