აჯამეთის აღკვეთილში იმერული მუხის აღდგენის პროექტის მიმდინარეობას დაცული ტერიტორიების სააგენტოს თავმჯდომარის მოვლეობის შემსრულებელი ბესიკ კუსიდი ადგილზე გაეცნო. ამის შესახებ ინფორმაციას დაცული ტერიტორიების სააგენტო ავრცელებს.

სააგენტოს ცნობით, პროექტი, რომელიც  კომპანია ბი პი -ს ფინანსური მხარდაჭერით, ბიოლოგიურ მეურნეობათა ასოციაციის „ელკანას“ მიერ  ხორციელდება, საქართველოს წითელი ნუსხით დაცული სახეობის  - იმერული მუხის აღდგენას, დაცვას და შენარჩუნებას ისახავს მიზნად. 

„პროექტი ორი ფაზისგან შედგება: პირველ ფაზაში 1,4 ჰექტარზე დაირგო 5 000-მდე იმერული მუხის ნერგი, შემოიღობა ტერიტორია, მოეწყო წვეთოვანი სარწყავი სისტემა და დამონტაჟდა 20 ტონიანი წყლის რეზერვუარი, ხოლო მეორე ფაზაში დაირგო  6 334 იმერული და ქართული მუხის ნერგი და დამონტაჟდა 200 ტონიანი სარწყავი  წყლის რეზერვუარი.

ჯამურად, პროექტის ფარგლებში, აჯამეთის აღკვეთილში, 7,4 ჰა ტერიტორიაზე დაირგვება 25 000 ძირი იმერული და ქართული მუხის ნერგი და მოეწყობა მცირე ზომის სანერგე. პროექტის ღირებულება 1 675 588 ლარს შეადგენს და ის 3 წლის განმავლობაში განხორციელდება.  

დაცული ტერიტორიების სააგენტოს ბიპი საქართველოსთან წარმატებული თანამშრომლობის გამოცდილება აქვს. ორგანიზაციებს შორის გაფორმებულია ურთიერთგაგების მემორანდუმი, რომელიც ემსახურება დაცული ტერიტორიების სისტემის მდგრადი განვითარების ხელშეწყობას და დაცული ტერიტორიების თანამშრომელთა შესაძლებლობების გაძლიერებას.

აღსანიშნავია უნიკალური სახეობების აღდგენის მიმართულებით ბი პი-ის  მხარდაჭერა, რომლის ფარგლებშიც თბილისის ეროვნულ პარკში კეთილშობილი ირმის აღდგენის  შესაძლებლობის კვლევა მიმდინარეობს. პროექტის განმახორციელებელი პარტნიორია კონსულტაციისა და ტრენინგის ცენტრი", - ნათქვამია სააგენტოს ინფორმაციაში.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო