კიევის რეგიონალური სამხედრო ადმინისტრაცია იუწყება, რომ ქალაქის დნეპრის რაიონში მრავალსართულიანი სამედიცინო ცენტრის შენობა სარაკეტო თავდასხმის შედეგად დაზიანდა. წინასწარი მონაცემებით, დაიღუპა 4 და დაშავდა 3 ადამიანი.

შენობა ნაწილობრივ დანგრეულია, ნანგრევების გაწმენდა და დაზარალებულთა ძებნა გრძელდება.

კიევის სხვა რაიონებში რუსული დარტყმების შედეგად განადგურდა და დაზიანდა ენერგოკომპანია DTEK-ის სამი სატრანსფორმატორო ქვესადგური.

„დაზიანებულია ელექტრო ქსელებიც. ადგილზე უკვე მუშაობენ ენერგეტიკის მუშაკები. სახლების უმეტესობა მალე იკვებება სარეზერვო წყაროებით“, - ნათქვამია DTEK-ის განცხადებაში.

კიევში სარაკეტო თავდასხმის შედეგად უკვე დაიღუპა 10 და დაშავდა 35, იტყობინება ქალაქის სამხედრო ადმინისტრაცია. უცნობია შედის თუ არა ამ რიცხვში საავადმყოფოში მყოფი დაშავებულები და არსებობს ურთიერთგამომრიცხავი ინფორმაცია შესაძლო მსხვერპლის შესახებ.

უკრაინის შინაგან საქმეთა სამინისტროს ხელმძღვანელის იგორ კლიმენკოს განცხადებით, უკრაინაზე რუსეთის დილის თავდასხმის შედეგად სულ 20-მდე ადამიანი დაიღუპა და 50-მდე დაშავდა.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times