2024-07-05 17:03:00, 447 ნახვა
მსოფლიო
კირ სტარმერი დიდი ბრიტანეთის პრემიერ-მინისტრი გახდა
"ლეიბორისტული პარტიის" ლიდერი კირ სტარმერი ოფიციალურად დიდი ბრიტანეთის პრემიერ-მინისტრი გახდა. ამის შესახებ ინფორმაციას BBC ავრცელებს.
BBC-ის ცნობით, სტარმერი ბუკინგემის სასახლეში ქვეყნის მონარქს, ჩარლზ მე-3-ს შეხვდა.
როგორც მედია წერს, შეხვედრა უკვე დასრულდა და კირ სტარმერმა სასახლე დატოვა, რის შემდეგაც გაერთიანებული სამეფოს მთავრობის ახალი ხელმძღვანელი "დაუნინგ სთრითზე" მივა და მოსახლეობას მიმართავს.
შეგახსენებთ, "კონსერვატორების" 14-წლიანი მმართველობის შემდეგ, დიდი ბრიტანეთის ვადამდელ საპარლამენტო არჩევნებში "ლეიბორისტულმა პარტიამ" გაიმარჯვა.
ავტორი: ექსპრესნიუსი,
epn.ge (@expressnews.ge)
