"მშვიდობა" არ ნიშნავს კაპიტულაციას, როგორც ამას პრეზიდენტი პუტინი თავის ბოლო განცხადებებში გვთავაზობს,- ამის შესახებ იტალიის პრემიერ-მინისტრმა, ჯორჯია მელონიმ განაცხადა.

როგორც მელონიმ შვეიცარიაში, უკრაინის მშვიდობის სამიტზე სიტყვით გამოსვლისას აღნიშნა, "უკრაინის დაცვა ნიშნავს წესების იმ სისტემის დაცვას, რომელიც აერთიანებს საერთაშორისო საზოგადოებას და ყველა ერს იცავს".

"ძვირფასო კოლეგებო, "მშვიდობა" არ ნიშნავს კაპიტულაციას, როგორც ამას პრეზიდენტი პუტინი თავის ბოლო განცხადებებში გვთავაზობს. მშვიდობის ცნების აღრევა დამორჩილებასთან სახიფათო პრეცედენტს შექმნის ყველასთვის...

ჩვენ უნდა შევუერთდეთ ყველა შესაძლო ძალისხმევას, რათა დავეხმაროთ უკრაინას. ძვირფასო ვოლოდიმირ, მინდა გითხრათ, რომ თქვენ შეგიძლიათ, ჩვენი იმედი გქონდეთ იქამდე, სანამ საჭირო იქნება. ჩვენ ვაპირებთ ყველაფერი გავაკეთოთ, რათა უკრაინის მშვიდობიანი, თავისუფალი მომავალი რეალობად იქცეს",- განაცხადა მელონიმ სიტყვით გამოსვლისას.

შეგახსენებთ, რუსეთის ფედერაციის პრეზიდენტმა, ვლადიმერ პუტინმა, რამდენიმე დღის წინ, უკრაინასთან ცეცხლის შეწყვეტისა და მოლაპარაკების დაწყების პირობები დაასახელა. როგორც პუტინმა განაცხადა, ამისთვის საჭიროა, უკრაინამ რუსეთის მიერ ოკუპირებული ყველა რეგიონიდან ჯარი გაიყვანოს და ასევე, ნატოში გაწევრიანებაზე უარი თქვას.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times