2016-02-15 13:02:30, 359 ნახვა

---

იან კელი: თავისუფალი და სამართლიანი არჩევნებისთვის აუცილებელია, ყველა პოლიტიკური მოთამაშისთვის თანაბარი სათამაშო ველი იყოს შექმნილი

 „ჩვენ გვსურს, რომ საქართველომ მიაღწიოს წარმატებას, როგორც დემოკრატიულმა ქვეყანამ და დემოკრატიულმა საზოგადოებამ“, - ამის შესახებ აშშ-ის საგანგებო და სრულუფლებიანმა ელჩმა საქართველოში იან კელიმ „მაესტროს“ საკითხზე კომენტირებისას განაცხადა.

როგორც კელიმ აღნიშნა, ამერიკა თვალს ადევნებს საქართველოში მიმდინარე მოვლენებს. მისივე განცხადებით, იმისთვის რომ არჩევნები ჩატარდეს სამართლიან და თავისუფალ გარემოში აუცილებელიოა ყველა პოლიტიკური ძალისთვის ხელმისაწვდომი იყოს მედიასაშუალებები.

„ადრეც მითქვამს და გავიმეორებ ჩვენ თვალს ვადევნებთ მიმდინარე მოვლენებს. ჩვენ გვსურს, რომ საქართველომ მიაღწიოს წარმატებას, როგორც დემოკრატიულმა ქვეყანამ და დემოკრატიულმა საზოგადოებამ, ამისთვის საჭიროა თავისუფალი და სამართლიან გარემოში ჩატარებული არჩევნები.

იმისთვის, რომ არჩევნები ჩატარდეს თავისუფალ და სამართლიან გარემოში აუცილებელია ყველა პოლიტიკური ძალისთვის ხელმისაწვდომი იყოს მედიასაშუალებები და ყველა პოლიტიკური მოთამაშისთვის თანაბარი სათამაშო ველი იყოს შექმნილი“, - განაცხადა იან კელიმ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი