მსოფლიო საეკლესიო კრებისთვის მოსამზადებელი სამუშაოები დღეს სინოდის სხდომაზე განიხილეს. თითქმის ხუთსაათიანი შეხვედრის შემდეგ ცნობილი გახდა, რომ მაღალი იერარქიის სასულიერო პირები იმ დოკუმენტების შესახებ მსჯელობდნენ, რომელსაც მსოფლიო კრებაზე საქართველოს ეკლესია წარადგენს. მანამდე კი მათ შინაარსში გარკვეული შესწორება შევა.

მართლმადიდებელი ეკლესიის წმინდა და დიდი კრება კუნძულ კრეტაზე 16-27 ივნისს უნდა გაიმართოს.

ასევე დღევანდელი სინოდის სხდომის მიმდინარეობისას დელეგაციის შემადგენლობაზეც ისაუბრეს. უკვე ცნობილია, რომ მსოფლიო საეკლესიო კრებას ქართული ეკლესიის 24 მღვდელმთავარი დაესწრება. დღევანდელ სინოდის სხდომას საქართველოს კათოლიკოს-პატრიარქი ილია მეორე ხელმძღვანელობდა.

ცნობისთვის, საქართველოს მართლმადიდებელი ეკლესიის წმინდა სინოდი წელიწადში ორჯერ იკრიბება და ეკლესიისთვის მნიშვნელოვან საკითხებს განიხილავს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ძალიან სასიამოვნოა ოპოზიციის ერთად ყურება, განსაკუთრებით ერთიან და მართალ საქმეში - ერთად ძალიან ძლიერები ვართ!

საკონსტიტუციო პარტიების აკრძალვის სარჩელის განხილვას 26-30 ოქტომბერსაც გააგრძელებს

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება