გარემოსა და ბუნებრივი რესურსების დაცვის მინისტრი გიგლა აგულაშვილი სამეგრელოს რეგიონის სამონადირეო საზოგადოების წარმომადგენლებს შეხვდა.

გარემოს დაცვის სამინისტროს ინფორმაციით, შეხვედრაზე კოლხეთის დაცული ტერიტორიის მიმდებარედ ნადირობისა და ტერიტორიის საზღვრებში სანადირო იარაღით გადაადგილების საკითხები განიხილეს. 

მონადირეების განცხადებით, დაცული ტერიტორიების საზღვრებს გარეთ ნადირობის დამაბრკოლებელ ფაქტორს დაჭაობებული და სავალად უვარგისი ტერიტორიები წარმოადგენს. მონადირეები დაცული ტერიტორიის ფარგლებში იარაღით გადაადგილების უფლებას ითხოვენ.

გიგლა აგულაშვილის განცხადებით,  არსებული კანონმდებლობის მიხედვით, კოლხეთის ეროვნული პარკის ტერიტორიის ფარგლებში იარაღით გადაადგილება აკრძალულია.

შეხვედრას, დაცული ტერიტორიების სააგენტოსა და გარემოსდაცვითი ზედამხედველობის დეპარტამენტის თანამშრომლებთან ერთად, არასამთავრობო ორგანზიაციების წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შეერთებულმა შტატებმა ირანის სრული საზღვაო ბლოკადის დაწესების შესახებ განაცხადა

მარნეულში მატარებელი ცხვრის ფარას შეეჯახა, მწყემსი დაჯარიმდა

სასკოლო ფორმების დიზაინი ცნობილია

ახალგორის რაიონში გახშირდა ჩხრეკები და მობილური ტელეფონების ჩამორთმევის ფაქტები - DRI