კანადის მთავრობა უკრაინას SkyRanger R70-ის ტიპის 800-ზე მეტ უპილოტო საფრენ აპარატს გადასცემს. ამის შესახებ კანადის თავდაცვის მინისტრმა, ბილ ბლერმა განაცხადა.

როგორც უცხოური მედია წერს, SkyRanger-ი აღჭურვილია ავტონომიური სანავიგაციო სისტემებით და შეუძლია 3,5 კილოგრამამდე ტვირთის გადატანა, საბრძოლო მასალის ჩათვლით. ისინი განკუთვნილია სათვალთვალო და სადაზვერვო მისიებისთვის და ასევე შეიძლება გამოყენებულ იქნას მარაგის ტრანსპორტირებისთვის.

„უკრაინაში რუსეთის სრულმასშტაბიანი შემოჭრის მეორე წლისთავის მოახლოებასთან ერთად, ეს უპილოტო საფრენი აპარატები დააკმაყოფილებენ უკრაინის ზოგიერთ ყველაზე გადაუდებელ თავდაცვით საჭიროებას",- აღნიშნულია სამინისტროს პრესრელიზმში.

მედიის ინფორმაციით, დრონების ღირებულება 70 მილიონ დოლარზე მეტია.

„დღევანდელი განცხადება უზრუნველყოფს, რომ უკრაინას აქვს დრონები, რომლებიც მას სჭირდება, რათა აღმოაჩინოს და დაადგინოს სამიზნეები, რომლებიც კრიტიკულია უკრაინის მიმდინარე ბრძოლისთვის. კანადა დადგება უკრაინის გვერდით იმდენ ხანს, რამდენიც დასჭირდება“,- ამბობს ბლერი.

ავტორი: ექსპრესნიუსი,

სოციალური ქსელები

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს