საქართველოს პარლამენტში, ოთხი კომიტეტის გაერთიანებულ სხდომაზე, სადაც მინისტრობის კანდიდატებს უსმენენ, ცოტა ხნის წინ ხმაური და დაპირისპირება იყო. 

პარლამენტის იურიდიული კომიტეტის თავმჯდომარემ, ანრი ოხანაშვილმა "ლელოს" დეპუატი სალომე სამადაშვილი სხდომიდან გააძევა.

ოხანაშვილმა აღნიშნული გადაწყვეტილება მას შემდეგ მიიღო, რაც სამადაშვილმა "ქართული ოცნების" საპატიო თავმჯდომარე ბიძინა ივანიშვილი ოლიგარქად მოიხსენია.

"საპატიო თავმჯდომარედ შეგიძლიათ მოიხსენიოთ... საპატიო თავმჯდომარე არის სტატუსი...
მშვენივრად საუბრობთ მიკროფონის გარეშე... მეგაფონი მიიტანეთ, სადაც მიჩვეული ხართ მეგაფონით სიარულს. მე თქვენ მოგიწოდებთ, ისაუბროთ კორექტულად, შეურაცხყოფის გარეშე, კონკრეტულ კანდიდატებთან მიმართებაში... აქ არ ვართ იმისთვის, რომ თქვენს პერფორმანსებს ვუსმინოთ..

ქალბატონო სალომე, გაფრთხილებული ბრძანდებით. არღვევთ წესრიგს და არ იცავთ რეგლამენტს... გთხოვთ, დატოვოთ სხდომათა დარბაზი... მოქცევას, როდესაც ისწავლით სხდომათა დარბაზში, მაშინ შემობრძანდებით",- მიმართა ოხანაშვილმა სამადაშვილს და "ლელოს" დეპუტატს დარბაზი დაატოვებინა.

"თქვენ რომ ისწავლით, პარლამენტში რისთვის ხართ ბიძინა ივანიშვილის კორუფციული ინტერესების დაცვის გარდა, მერე შეექმნება აზრი თქვენთან საუბარს. ჯერჯერობით ხართ რუსი კორუმპირებული მთავრობა",- მიმართა სხდომის დატოვების დროს სამადაშვილმა "ქართული ოცნების" წარმომადგენლებს.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში