როდესაც იცვლება პერსონალია და ახალი ადამიანი ხდება პრემიერ-მინისტრი, ბუნებრივია, მას თავისი ხედვა, მუშაობის სტილი გააჩნია და ამ მხრივ კორექტივები, პოლიტიკური აქცენტები იქნება, რაზეც თავად ბატონი ირაკლი კობახიძე მოგახსენებთ. რაც შეეხება ძირეულ ახალ პროგრამას, ეს იქნება 2024 წლის არჩევნებისათვის წარმოდგენილი და არჩევნებში გამარჯვების შემდეგ დაიწყება ამ ახალი პროგრამის რეალიზება, - ამის შესახებ პარლამენტის საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა ჟურნალისტებს განუცხადა. 

როგორც მან განმარტა, სამთავრობო პროგრამა მმართველი გუნდის ერთიან პოზიციას წარმოადგენს და მთავრობის წარმატებული მუშაობის ფონზე, აღნიშნული დოკუმენტი რადიკალურ ცვლილებებს არ საჭიროებს. 

"როცა მაგალითად, გახარია ამბობს, რომ ეს არის ძველი სამთავრობო პროგრამა, ჩვენ ამიტომაც გავეცით პასუხი, რომ ის სამთავრობო პროგრამა და სახელმწიფო ბიუჯეტი რომელიც წელს უნდა შესრულდეს, არის მთავრობის და პარლამენტის, ანუ ჩვენი გუნდის ერთობლივი პროდუქტი და ეს არის კარგი პროდუქტი და ამის ბოლომდე განხორციელება მოხდება.

ის რაც წერია ამ ტექსტში [სამთავრობო პროგრამაში], არის პარტიის, მთავრობის და პარლამენტის ერთიანი პოზიცია. აქედან გამომდინარე, რა თქმა უნდა, აქ რადიკალური და კარდინალური ცვლილება ობიექტურად ვერ შევიდოდა. მეორე, მთავრობის მოღვაწეობა იყო წარმატებული და გამომდინარე აქედან, რადიკალურ ცვლილებებს არ საჭიროებს. ბიუჯეტი, რომელიც დამტკიცებულია, მივიღეთ ერთი თვის წინ და მასზე პარლამენტს პასუხისმგებლობა აქვს აღებული. აქედან გამომდინარე, არც აქ იქნება რაიმე ძირეული ცვლილება. თუ რა იქნება ახალი პრემიერ-მინისტრის აქცენტები და პოლიტიკური გზავნილები, ამას დავინახავთ, როდესაც ის სიტყვით გამოვა”, - განაცხადა ქადაგიშვილმა. 

მან ასევე ისაუბრა პროცედურულ საკითხებზე და აღნიშნა, რომ ორშაბათიდან კომიტეტებში დაიწყება მინისტრობის კანდიდატების მოსმენა, ხოლო 8 თებერვალს იგეგმება მთავრობის დამტკიცება. 

"პარლამენტის ბიურომ უკვე დაადგინა გრაფიკი. ორშაბათიდან მინისტრთა კაბინეტი მოდის პარლამენტში, საკომიტეტო მოსმენები იქნება, სადაც წარდგენილი იქნება პერსონალიების და მთავრობის პროგრამა. ამავდროულად, იქნება მთავრობის ახალი შემადგენლობის შეხვედრა როგორც ოპოზიციასთან, ასევე უმრავლესობასთან და იგეგმება, რომ 8 თებერვალს, ხუთშაბათს, უკვე პლენარულ სესიაზე დამტკიცდეს მთავრობა”, - აღნიშნა ირაკლი ქადაგიშვილმა.

ავტორი: NS (სტატია დაფინანსებულია),

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში