2024-01-17 16:13:20, 779 ნახვა
საზოგადოება
რუსთავში, მუნიციპალური ავტოტრანსპორტის საწარმოს ტერიტორიაზე ხანძარს ერთი ადამიანი ემსხვერპლა
რუსთავში, მუნიციპალური ავტოტრანსპორტის საწარმოს ტერიტორიაზე ხანძარი გაჩნდა, რასაც ერთი ადამიანის სიცოცხლე ემსხვერპლა.
ამის შესახებ ინფორმაცია "ექსპრესნიუსს" საგანგებო სიტუაციების მართვის სამსახურში დაუდასტურეს.
როგორც უწყებაში აცხადებენ, ცეცხლი გაუჩნდა ამორტიზებულ ტექნიკას, შემთხვევა კი, კვირას მოხდა.
შინაგან საქმეთა სამინისტროში "ექსპრესნიუსს" უთხრეს, რომ მომხდართან დაკავშირებით გამოძიება საქართველოს სისხლის სამართლის კოდექსის 187-ე მუხლით მიმდინარეობს.
ავტორი: ექსპრესნიუსი,
epn.ge (@expressnews.ge)
