2024-01-12 20:19:55, 592 ნახვა
მსოფლიო
უკრაინამ და დიდმა ბრიტანეთმა უსაფრთხოების სფეროში თანამშრომლობის შეთანხმებას ხელი მოაწერეს
უკრაინამ და დიდმა ბრიტანეთმა ხელი მოაწერეს შეთანხმებას უსაფრთხოების სფეროში თანამშრომლობის შესახებ. ამის შესახებ ინფორმაციას უკრაინული მედია ავრცელებს.
როგორც უკრაინული მედია აღნიშნავს, გაერთიანებული სამეფო გახდა პირველი ქვეყანა მსოფლიოში, რომელმაც ხელი მოაწერა უკრაინასთან თანამშრომლობის მსგავს დოკუმენტს.
შეთანხმება მოიცავს სამხედრო და არასამხედრო თანამშრომლობას ბრიტანეთსა და უკრაინას შორის უკრაინის უსაფრთხოების მხარდასაჭერად, რომელიც გრძელვადიანი იქნება.
შეთანხმების თანახმად, რუსეთის მომავალი თავდასხმის შემთხვევაში, ბრიტანეთი უკრაინას სწრაფად და დაუყოვნებლივ მიაწვდის აუცილებელ დახმარებას, მათ შორის თანამედროვე იარაღს.
ავტორი: ექსპრესნიუსი,
epn.ge (@expressnews.ge)
