დაცული ტერიტორიების სააგენტოს ტერიტორიული ადმინისტრაციების წარმომადგენლებმა მიმდინარე წლის საქმიანობის ანგარიში სამუშაო შეხვედრაზე წარადგინეს. 

სააგენტოს ცნობით, 2023 წელი გამორჩეული იყო დაცული ტერიტორიების სააგენტოს მიღწევების მხრივ, როგორც ბიომრავალფეროვნების დაცვის, ისე ეკოტურიზმის განვითარების კუთხით. 

"შეხვედრაზე ხაზგასმით აღინიშნა მიღწეული შედეგები ბუნების დაცვის მიმართულებით.

განსაკუთრებული ყურადღება დაეთმო საქართველოს დაცულ ტერიტორიებზე SMART პატრულირების სისტემის წარმატებით დანერგვას.  SMART პატრულირებისა და მონიტორინგის სისტემა კიდევ უფრო ოპერატიულსა და ეფექტიანს ხდის რეინჯერთა პატრულირებას. ხაზი გაესვა SMART სისტემის დანერგვაში რეინჯერების  როლს, შედეგად წარმატებული რეინჯერები კავკასიის ბუნების ფონდის (CNF) მიერ დაჯილდოვდნენ.

სამუშაო შეხვედრაზე აქცენტი გაკეთდა ეკოტურიზმის განვითარებისა და ვიზიტორთა რაოდენობის ზრდის მიმართულებით მიღწეულ შედეგებზე. აღინიშნა, რომ 2023 წელს ვიზიტორთა რაოდენობამ რეკორდულ მაჩვენებელს 1 მილიონს მიაღწია. ხაზი გაესვა იმ მნიშვნელოვან პროექტებს, რომლებიც დაცული ტერიტორიების სააგენტომ ეკოტურიზმის განვითარების მიზნით განახორციელა. 

2023 წელი გამორჩეულია ინფრასტრუქტურის განვითარების კუთხითაც - 15 დაცულ ტერიტორიაზე მიმდინარეობს ეკოტურისტული სამუშაოები, რომლის შედეგად მოგზაურობა კიდევ უფრო მრავალფეროვანი და უსაფრთხო გახდება. დაინერგა უნიკალური სერვისები, მათ შორის, მარტვილის კანიონზე მოეწყო 3დ განათების სისტემები. აღინიშნა, რომ მარტვილის კანიონმა ვიზიტორთა რაოდენობით მოწინავე ადგილი დაიკავა.

ხაზი გაესვა ახალი ობიექტების განვითარების კუთხით მიმდინარე და სამომავლო გეგმებს. აღინიშნა, რომ ბალდის კანიონის განვითარება სააგენტოსთვის მიმდინარე პრიორიტეტულ ამოცანას წარმოადგენს, რომელიც მარტვილის მუნიციპალიტეტს ახალ სიცოცხლეს შემატებს.

შეხვედრაზე განიხილეს დაცული ტერიტორიების სააგენტოს წარმატებული საერთაშორისო თანამშრომლობა და პროექტები. განსაკუთრებული ყურადღება დაეთმო დაცული ტერიტორიების სააგენტოს მიერ განხორციელებულ პირველ საერთაშორისო სამიტს, რომელშიც მონაწილეობა მიიღეს 20-მდე ქვეყნის 80-მდე დელეგატმა.

შემაჯამებელ შეხვედრას გარემოს დაცვისა და სოფლის მეურნეობის მინისტრის მოადგილე, იური ნოზაძე, დაცული ტერიტორიების სააგენტოს თავმჯდომარე დავით იოსებაშვილი, დაცული ტერიტორიების სააგენტოს ტერიტორიული ადმინისტრაციების, ასევე პარტნიორი დონორი ორგანიზაციების წარმომადგენლები ესწრებოდნენ",- ნათქვამია სააგენტოს ინფორმაციაში.  

ავტორი: NS (სტატია დაფინანსებულია),

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა