2023-12-26 15:42:36, 770 ნახვა

---

მედია - აზერბაიჯანმა საფრანგეთს საპროტესტო ნოტა გაუგზავნა, ორი ფრანგი დიპლომატი კი ქვეყნიდან გააძევა

აზერბაიჯანმა საფრანგეთს საპროტესტო ნოტა გაუგზავნა და ორი დიპლომატი პერსონა ნონ გრატად გამოაცხადა. აღნიშნულის შესახებ ინფორმაციას აზერბაიჯანული მედია ქვეყნის საგარეო სამინისტროზე დაყრდნობით ავრცელებს.

მედიის ცნობით, 26 დეკემბერს, საფრანგეთის რესპუბლიკის საგანგებო და სრულუფლებიანი ელჩი ანა ბოიონი აზერბაიჯანის საგარეო საქმეთა სამინისტროში დაიბარეს და აცნობეს, რომ აზერბაიჯანის მთავრობამ გამოხატა "სერიოზული პროტესტი" 1961 წლის ვენის დიპლომატიური ურთიერთობების კონვენციის საწინააღმდეგო საქმიანობასთან და დიპლომატიურ სტატუსთან შეუსაბამო ქმედებებზე და საფრანგეთის საელჩოს ორი თანამშრომელი პერსონა ნონ გრატად გამოაცხადა.

მედიის ცნობითვე, აღნიშნულ პირებს აზერბაიჯანის 48 საათის განმავლობაში დატოვება მოსთხოვეს.

აღსანიშნავია, რონ აზერბაიჯანის საგარეო საქმეთა სამინისტროს შესაბამისი ნოტა საფრანგეთის ელჩს უკვე გადაეცა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი