2023-12-20 21:48:24, 717 ნახვა

---

კასპის მუნიციპალიტეტში ყოფილი გამგებლის, პოლკოვნიკ ტარიელ შარიფაშვილის დაბადების დღე აღინიშნა

სოფელ ზემო ხანდაკში ეროვნული გვარდიის კასპის ბატალიონის პირველი მეთაურის, კასპის მუნიციპალიტეტის ყოფილი გამგებლის, პოლკოვნიკ ტარიელ შარიფაშვილის დაბადების დღე აღინიშნა. ამის შესახებ ინფორმაციას კასპის მუნიციპალიტეტის მერია ავრცელებს.

მათივე ინფორმაციით, კასპის მუნიციპალიტეტის ადგილობრივი თვითმმართველობის ხელმძღვანელები, ყოფილი თანამებრძოლები და საზოგადოების წარმომადგენლები სოფელში ტარიელის  სახელობის სკვერში შეიკრიბნენ. 

"სკვერში მდებარე პოლკოვნიკის ბიუსტი გვირგვინით შეამკეს,  მის ხსოვნას პატივი მიაგეს და ბრძოლის ეპიზოდები გაიხსენეს.

ტარიელ შარიფაშვილი 1993 წლის 25 სექტემბერს, სოხუმის დაცვისას გმირულად დაიღუპა ბრძოლის ველზე.

ტარიელ შარიფაშვილს  63 წელი შეუსრულდებოდა", - ნათქვამია გავრცელებულ ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი