2023-12-19 23:12:16, 906 ნახვა
მსოფლიო
ისააკ ჰერცოგი - ისრაელი მორიგი ჰუმანიტარული პაუზისთვის მზად არის
ისრაელი მზად არის, დათანხმდეს ცეცხლის შეწყვეტას ღაზაში "ჰამასის" ტერორისტების მიერ გატაცებული მძევლების გასათავისუფლებლად, - ამის შესახებ ისრაელის პრეზიდენტმა, ისააკ ჰერცოგმა განაცხადა.
ჰერცოგის თქმით, პასუხისმგებლობა იმაზე, რაც ახლა ხდება, მთლიანად "ჰამასის" ხელმძღვანელობას ეკისრება.
"ისრაელი მზად არის შემდგომი ჰუმანიტარული პაუზისა და დამატებითი ჰუმანიტარული დახმარებისთვის, რათა უზრუნველყოს მძევლების გათავისუფლება. პასუხისმგებლობა იმაზე, რაც ახლა ხდება, მთლიანად "ჰამასის" ხელმძღვანელობას ეკისრება", - განაცხადა ჰერცოგმა.
ავტორი: ექსპრესნიუსი,
epn.ge (@expressnews.ge)
