საქართველოსთვის კანდიდატის სტატუსის მინიჭების შესახებ უარყოფითი პასუხით რუსეთი ისარგებლებს, საქართველოს ნაცრისფერ ზონად ჩათვლის და ამას პროპაგანდისთვის გამოიყენებს, - ამის შესახებ საქართველოს პრეზიდენტმა, სალომე ზურაბიშვილმა ჩეხეთში ვიზიტის დროს "რადიო თავისუფლების“ პრაღის ოფისისთვის მიცემულ ინტერვიუში განაცხადა.

შეკითხვას - რა შედეგი ექნება ევროპული საბჭოს მიერ საქართველოსთვის კანდიდატის სტატუსის მინიჭების შესახებ უარყოფით პასუხს - პრეზიდენტმა უპასუხა, რომ "ეს ძალიან ცუდი იქნება".

"ძალიან ცუდი. ყოველგვარი კითხვის ნიშნის გარეშე. ეს საზოგადოებაში ძალიან დიდ იმედგაცრუებას გამოიწვევს, განსაკუთრებით ევროკომისიის რეკომენდაციის შემდეგ. ვფიქრობ, ახლა ყველა დარწმუნებულია იმაში, რომ პასუხი აუცილებლად დადებითი იქნება. 

ვფიქრობ, რომ ვალდებულები ვართ, 27 წევრი სახელმწიფოს წინაშე არ განვიხილოთ ეს სცენარი, სანამ ეს არ მოხდება, ვინაიდან ნებისმიერ დროს შეიძლება მოხდეს ნებისმიერი რამ. მაგრამ ნთელია, რომ იმედგაცურება იქნება დიდი და ეს რუსეთს დიდ სიამოვნებას მიანიჭებს, რადგან ყველამ ვიცით, რომ იმედგაცრუება არის ის, რაც საუკეთესოდ შეიძლება გამოიყენონ იმ ადამიანებმა, რომლებიც მანიპულირებენ პროპაგანდას და ყალბ ამბებს. ისინი დაიწყებენ ევროკავშირის დადანაშაულებას საქართველოს დავიწყებაში, საქართველოს დანგრევაში. ყველა ეს თემა, რა თქმა უნდა, მომდინარეობს რუსეთიდან და ითამაშებს მათ სასარგებლოდ. უარყოფითი პასუხის შემთხვევაში, რუსეთი ამით ისარგებლებს, ჩათვლის, რომ საქართველო რჩება ნაცრისფერ ზონაში. რუსეთი ჩათვლის, რომ ეს მათი თამაშია", - განაცხადა ზურაბიშვილმა.

ავტორი: ექსპრესნიუსი,

სოციალური ქსელები

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია

ჰერჩინსკი - საქართველო ევროკავშირის კანდიდატად მხოლოდ სახელით რჩება

კალასი - იანვარში საქართველოს შესახებ სიღრმისეულად ვიმსჯელებთ