2023-11-20 19:43:26, 1029 ნახვა
მსოფლიო
IDF - ლიბანიდან ისრაელის მიმართულებით „ჰეზბოლამ“ ბოლო საათების განმავლობაში 25 რაკეტა ისროლა
ლიბანიდან შიიტურმა დაჯგუფება „ჰეზბოლამ“ ისრაელის მიმართულებით ბოლო საათების განმავლობაში 25 რაკეტა ისროლა. ამის შესახებ ინფორმაციას ისრაელის მედია Times of Israel ქვეყნის თავდაცვის ძალებზე (IDF) დაყრდნობით ავრცელებს.
მათივე ინფორმაციით „ჰეზბოლამ“ ისრაელის წინააღმდეგ უპილოტო საფრენი აპარატებიც გამოიყენა, რომლის ნაწილიც „რკინის გუმბათმა“ მოიგერია, ნაწილი კი ღია ტერიტორიაზე დაეცა.
IDF აცხადებს, რომ თავდასხმების შედეგად არავინ დაშავებულა და ცეცხლის წყაროებზე საარტილერიო დაბომბვით პასუხობს.
ავტორი: ექსპრესნიუსი,
epn.ge (@expressnews.ge)
