"მთავარი არხის" დამფუძნებელს, ნიკა გვარამიას ჟურნალისტთა დაცვის კომიტეტმა (CPJ) პრესის თავისუფლების საერთაშორისო ჯილდო გადასცა. 

ღონისძიებაზე, რომელიც ნიუ-იორკში გაიმართა, გვარამიას გარდა, კიდევ 3 ჟურნალისტი დაჯილდოვდა: შაჰინა კ.კ. ინდოეთიდან, მარია ტერეზა მონტანო მექსიკიდან და ფერდინანდ აიიტე ტოგოდან. 

"ამ ჯილდოს ვუძღვნი ჩემს ოჯახს, ცოლ-შვილს, სოფოს განსაკუთრებით, იმიტომ, რომ ჩემი ღრმა რწმენით, მან ყველაზე მეტი გააკეთა ჩემი თავისუფლებისთვის, ვუძღვნი "მთავარ არხს", რომელიც ჩემი დიდი ოჯახია და რომელიც არანორმალურად მიყვარს. მე ვფიქრობ, რომ CPJ-ის მიერ ამ პრემიის გადაცემა იყო არა მარტო იმის აღნიშვნა, რომ მე ეს დავიმსახურე, არამედ პირველ რიგში იყო განაცხადი, რომ ევროპა არ არის ავტორიტარებისგან თავისუფალი ტერიტორია, ევროპა არ არის პოლიტპატიმრებისგან თავისუფალი ტერიტორია და საქართველო, დიახ, მას ჰყავს პოლიტპატიმრები, ის არის ავტოკრატიული მმართველობის ქვეშ”,- განაცხადა გვარამიამ ცერემონიის შემდეგ.

ცნობისთვის, "მთავარი არხის" დამფუძნებელი ნიკა გვარამია პირველი ქართველია, რომელმაც პრესის თავისუფლების საერთაშორისო ჯილდო მიიღო.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო