„თიბისი კაპიტალის“ ყოველკვირეული განახლება მთავარი ეკონომისტისგან - სებ-ის რეზერვები ისევ რეკორდულად მაღალ დონეზეა

2023-10-16 16:15:19, 809 ნახვა

ეკონომიკა

სექტემბრის საქონლით ვაჭრობის მაჩვენებლები მოლოდინების შესაბამისია. დეტალური სტატისტიკა მიმდინარე კვირაში გამოქვეყნდება, თუმცა, როგორც ჩანს, მიზეზები წინა თვის ანალოგიური იყო. ამასთან, შედარებით ნაკლები ადგილობრივი დამატებული ღირებულების გათვალისწინებით, ავტომობილების რეექსპორტის დინამიკა საყურადღებო იქნება.

მაშინ, როდესაც ისრაელში განვითარებული მოვლენების საქართველოს ეკონომიკაზე ზეგავლენის გამოვლენისათვის თავისთავად მეტი დროა საჭირო, 13 ოქტომბრის მონაცემებით, "თიბისის" არხებით განხორციელებულ საბარათე ხარჯებსა და გზავნილებში ნეგატიური ტენდენცია ჯერჯერობით არ იკვეთება. ამ საკითხზე უფრო დეტალური მიმოხილვა "თიბისი" კაპიტალის მომდევნო პუბლიკაციებში იქნება ხელმისაწვდომი.

ასევე საყურადღებოა, რომ გასულ პერიოდში სებ-ის მიერ აშშ დოლარის გაყიდვის მიმართულებით განხორციელებული ინტერვენციების გათვალისწინებითაც, როგორც მთლიანი, ისე წმინდა საერთაშორისო სავალუტო რეზერვები ისევ მაღალ დონეზეა. წმინდა რეზერვების მაჩვენებელი ბოლო დაახლოებით წელიწადნახევრის პერიოდში გაორმაგებულია.

გაეცანით პუბლიკაციას ბმულზე.

Patreon P მხარი დაუჭირე "ექსპრესნიუსს" →

ავტორი: R (რეკლამა),