ქედის მუნიციპალიტეტის მერის პირველმა მოადგილემ იმედა ვასაძემ, განათლების, კულტურის, ტურიზმის, სპორტის, ძეგლთა დაცვისა და ახალგაზრდულ საქმეთა სამსახურის უფროსთან, ეკატერინე ქაჯაიასთან ერთად, მასწავლებელთა საერთაშორისო დღესთან დაკავშირებით, ხანდაზმული პედაგოგი ესმა ბერიძე მოინახულა, პროფესიული დღე მიულოცა და ჯანმრთელობა უსურვა.

ამის შესახებ ინფორმაციას ქედის მერია ავრცელებს.

"ესმა ბერიძე 1930 წელს სოფელ ზესოფელში დაიბადა. ჰყავს 5 შვილი, 9 შვილიშვილი და 11 შვილთაშვილი. ამჟამად ქალბატონი ესმა, პენსიონერია. ესმა ბერიძემ ზესოფლის დაწყებითი სკოლის დამთავრების შემდეგ 1944 წელს დაამთავრა ქედის საშუალო სკოლა და მუშაობა დაიწყო ძენწმანის დაწყებით სკოლაში მასწავლებლად.

მიღებული აქვს მრავალი ქების სიგელი, ჯილდო. აქვს სკოლასა და ბაღში მუშაობის 54-წლიანი გამოცდილება. სოფელს არაერთი წარმატებული თაობა აღუზარდა. ქედის რესურსცენტრმა როგორც წარმატებულ პედაგოგს, ქების სიგელი გადასცა",- ნათქვამია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

Global Finance: საქართველოს ბანკი მსოფლიოში საუკეთესო AI ბანკია

კახა კალაძე საკონსტიტუციო სარჩელზე: პოლიტიკოსებს ან პოლიტიკურ პარტიებს არაფერი ესაქმებათ პოლიტიკაში

DRI ვახო სანაიაზე: აზრის გამოხატვისთვის დაკავება ეწინააღმდეგება საქართველოს კონსტიტუციას

მედიის ადვოკატირების კოალიცია - მართლმსაჯულების სისტემის გამოყენება კრიტიკული ხმის ჩასახშობად და ჟურნალისტების დასასჯელად