ჯიდას პორტში (საუდის არაბეთი) დაიწყო ორდღიანი სამიტი უკრაინული მშვიდობის ფორმულის განხორციელების შესახებ.

ამის შესახებ Al Jazeera იტყობინება.

უკრაინამ და საუდის არაბეთმა მოლაპარაკებებზე 40-მდე ქვეყნის დიპლომატები მიიწვიეს. მათ შორისაა ჩინეთი, ინდოეთი, ბრაზილია, სამხრეთ აფრიკა და სპარსეთის ყურის ზოგიერთი ნავთობით მდიდარი ქვეყანა.

უპირველეს ყოვლისა, საუბარია ეგრეთ წოდებულ ნეიტრალურ სახელმწიფოებზე, რომლებიც ომის დროს ცდილობდნენ ურთიერთობის შენარჩუნებას როგორც უკრაინასთან, ასევე რუსეთთან.

შეხვედრის მთავარი მიზანია დაარწმუნოს ისინი, დაიკავონ უკრაინის მხარე და მიიღონ ვლადიმერ ზელენსკის მიერ შემოთავაზებული მშვიდობის ფორმულა, რომელიც შედგება 10 პუნქტისგან.

მანამდე გავრცელდა ინფორმაცია, რომ უკრაინის დელეგაციას პრეზიდენტის ადმინისტრაციის ხელმძღვანელი ანდრეი ერმაკი უხელმძღვანელებს.

The New York Times-ის ანალიტიკოსები ამ შეხვედრას აღიქვამენ, როგორც კიევის ახალ მცდელობას მოიპოვოს ათობით ქვეყნის მხარდაჭერა, რაც იქნება უფრო ფართო კამპანიის დასაწყისი, რომელიც მიზნად ისახავს რუსეთის დასუსტებას უახლოეს თვეებში.

საუდის არაბეთის გვირგვინის პრინცის მუჰამედ ბინ სალმანისა და ვლადიმერ ზელენსკის შეხვედრაზე არაბული ლიგის სამიტზე.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა