2023-07-18 13:44:41, 884 ნახვა
მსოფლიო
ბაიდენმა ნეთანიაჰუ აშშ-ში მიიწვია
ამერიკის შეერთებული შტატების პრეზიდენტმა, ჯო ბაიდენმა ისრაელის პრემიერ-მინისტრი ბენიამინ ნეთანიაჰუ აშშ-ში მიიწვია.
როგორც თეთრი სახლის ეროვნული უშიშროების საბჭოს სპიკერმა, ჯონ კირბიმ განაცხადა, შეერთებულ შტატებში შეხვედრა შემოდგომაზე გაიმართება.
ბაიდენის ადმინისტრაცია არ აკონკრეტებს, სად უმასპინძლებენ ნეთანიაჰუს - ვაშინგტონში, თეთრ სახლში თუ ნიუ-იორკში, გაეროს გენერალური ასამბლეის ფარგლებში.
ნეთანიაჰუს ოფისი მიწვევის მიღებას ადასტურებს და აცხადებს, რომ „პრემიერ-მინისტრმა მიიღო მოწვევა და შეთანხმდნენ, რომ ისრაელი და აშშ შეხვედრის დეტალებს კოორდინაციას გაუწევენ".
ავტორი: ექსპრესნიუსი,
epn.ge (@expressnews.ge)
