2023-07-10 17:06:43, 808 ნახვა
მსოფლიო
ჯო ბაიდენი მეფე ჩარლზ მესამეს შეხვდა [ვიდეო]
დიდ ბრიტანეთში ვიზიტით მყოფი ამერიკის შეერთებული შტატების პრეზიდენტი ჯო ბაიდენი მეფე ჩარლზ მესამეს უინძორის სასახლეში შეხვდა.
როგორც BBC წერს, მეფე ჩარლზისთვის ჯო ბაიდენი აშშ-ის პირველი პრეზიდენტია, რომელსაც ის მონარქის რანგში შეხვდა, თუმცა, 1959 წელს, როდესაც პრინცი ჩარლზი 10 წლის იყო, მან ბალმორალში პრეზიდენტი ეიზენჰაუერი გაიცნო. 1970 წელს კი, თეთრ სახლში პრეზიდენტ ნიქსონს შეხვდა.
ბაიდენი მეფე ჩარლზთან შეხვედრამდე დაუნინგ სთრითზე იმყოფებოდა, სადაც შეხვედრა პრემიერ-მინისტრ რიში სუნაკთან გამართა.
ცნობისთვის, აშშ-ის პრეზიდენტი ჯო ბაიდენი დიდი ბრიტანეთიდან ლიეტუვას, იქიდან კი ფინეთს ეწვევა.
ავტორი: ექსპრესნიუსი,
epn.ge (@expressnews.ge)
