უკრაინის ქალაქ ლვოვში რუსი ოკუპანტების მიერ განხორციელებული სარაკეტო იერიშის შედეგად დაშავებულთა რიცხვი 30-ს აჭარბებს. აღნიშნულ ინფორმაციას BBC ქვეყნის შინაგან საქმეთა მინისტრზე, იგორ კლიმენკოზე დაყრდნობით ავრცელებს.

როგორც კლიმენკომ Telegram-ზე დაწერა, მაშველებმა თავდასხმისას დაზიანებული საცხოვრებელი კორპუსის ნაანგრევებიდან 7 ადამიანის გადარჩენა შეძლეს, თუმცა არ არის გამორიცხული, რომ ნანგრევების ქვეშ მეტი ადამიანი იყოს მოყოლილი.

ლვოვის მერი ანდრეი სადოვიი, რომელმაც ქალაქზე თავდასხმას, ომის დაწყების შემდეგ, ერთ-ერთი ყველაზე მასშტაბური უწოდა, აცხადებს, რომ ამ დროისთვის სამძებრო-სამაშველო ღონისძიებები მიმდინარეობს.

სარაკეტო იერიშს უკვე გამოეხმაურა უკრაინის პრეზიდენტი ვოლოდიმირ ზელენსკი, რომელმაც თქვა, რომ "რუსი ტერორისტების მიერ ღამით განხორციელებულ შეტევას შესაბამისი პასუხი გაეცემა".

ცნობისთვის, რუსი ოკუპანტების მიერ უკრაინის ქალაქ ლვოვზე განხორციელებულ სარაკეტო იერიშს, ბოლო მონაცემებით, 4 ადამიანი ემსხვერპლა.

ავტორი: ექსპრესნიუსი,

სოციალური ქსელები

ელენე ხოშტარია - ძალიან სასიამოვნოა ოპოზიციის ერთად ყურება, განსაკუთრებით ერთიან და მართალ საქმეში - ერთად ძალიან ძლიერები ვართ!

საკონსტიტუციო პარტიების აკრძალვის სარჩელის განხილვას 26-30 ოქტომბერსაც გააგრძელებს

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება