2023-06-28 11:13:10, 1512 ნახვა

---

„გირჩი მეტი თავისუფლება“ - სასამართლომ ზურაბ ჯაფარიძესა და ნიკა მოსიაშვილს 2 500-2 500-ლარიანი ჯარიმა დააკისრა

პარტია „გირჩი მეტი თავისუფლების“ ლიდერი ზურაბ ჯაფარიძე და პარტიის წევრი ნიკა მოსიაშვილი სასამართლომ ადმინისტრაციულ სამართალდამრღვევად ცნო და ადმინისტრაციული სახდელის სახით 2 500-2 500 ლარი დააკისრა.

აღნიშნულის შესახებ ინფორმაციას პარტია „გირჩი მეტი თავისუფლება“ ავრცელებს.

„7-8 მარტის ამბებზე  ზურაბ ჯაფარიძე და ნიკა მოსიაშვილი 2500-2500 ლარით დააჯარიმეს!“- აღნიშნულია ინფორმაციაში.

ცნობისთვის, „გირჩი - მეტი თავისუფლების" ლიდერი ზურაბ გირჩი ჯაფარიძე და პარტიის წევრი ნიკა მოსიაშვილი 7 მარტს, პარლამენტთან აქციაზე დააკავეს და ადმინისტრაციულ სამართალდარღვევათა კოდექსის" 166-ე და 173-ე მუხლებით გათვალისწინებული ქმედების ჩადენას ედავებოდნენ, რაც წვრილმან ხულიგნობასა და პოლიციისთვის წინააღმდეგობის გაწევას გულისხმობს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი