დარწმუნებული ვართ, რომ მხოლოდ ბრძოლა და გამარჯვება დაგვიცავს გენოციდისგან და რუსეთს მართლმსაჯულების წინაშე წარადგენს, - ამის შესახებ უკრაინის პარლამენტის თავმჯდომარემ, რუსლან სტეფანჩუკმა ევროპის საბჭოს საპარლამენტო ასამბლეის საგაზაფხულო სესიაში მონაწილეობისას განაცხადა.

მისივე თქმით, უკრაინული კოალიცია ისეთი ძლიერია, როგორც არასდროს, მაგრამ გამარჯვებას რადიკალური ნაბიჯები სჭირდება, რისთვისაც საბრძოლო მასალები, შეიარაღება და წვრთნებია საჭირო.

"რუსეთმა წამოიწყო სრულმასშტაბიანი ომი და მუქარებისა და შანტაჟის სრული სპექტრი. უკვე მეორე წელია, ომი მიმდინარეობს და ისინი ჩვენთვის რაც შეიძლება მეტი ტანჯვის მოტანას ცდილობენ, რათა წინააღმდეგობის სურვილი ჩაგვიკლან, დაგვაშინონ და დავნებდეთ. 

სხვანაირად როგორ ახსნით მშვიდობიანი მოსახლეობის, საავადმყოფოების, სკოლების, ეკლესიების, ჰუმანიტარული დერეფნებისა და კრიტიკული ინფრასტრუქტურის მიზანმიმართულ დაბომბვებს? როგორ ახსნით უკრაინის ოკუპირებულ ტერიტორიებზე ქალებისა და ბავშვების ცალსახად დაბომბვებს?

რუსეთმა ვერ შეძლო უკრაინის ხერხემლის გადატეხვა. დარწმუნებული ვართ, მხოლოდ ბრძოლა და გამარჯვება დაგვიცავს გენოციდისგან და რუსეთს მართლმსაჯულების წინაშე წარადგენს. ყველას, ვინც დამნაშავეა, დაწყებული რიგითი სამხედროდან მაღალჩინოსნებამდე, საერთაშორისო ტრიბუნალი საფუძველს დაუდებს რუსი მაღალჩინოსნებისთვის პასუხისმგებლობის დაკისრებას ამ ომის დაწყების გამო.

პროუკრაინული კოალიცია ისეთი ძლიერია, როგორც არასდროს, მაგრამ გამარჯვებას ძალიან რადიკალური ნაბიჯები სჭირდება. ჩვენ გვჭირდება საბრძოლო მასალები, შეიარაღება და წვრთნები. ჩვენ ახლა გვჭირდება თანამედროვე ავიაცია, ველით გადაწყვეტილებას მეოთხე თაობის ავიაგამანადგურებლებზე. ასევე ველით სხვა სტრატეგიულ გადაწყვეტილებებსაც", - განაცხადა სტეფანჩუკმა.

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის