უკრაინამ რუსული ტყვეობიდან კიდევ 100 მებრძოლი გაათავისუფლა. აღნიშნულის შესახებ ინფორმაციას უკრაინის პრეზიდენტის ადმინისტრაციის ხელმძღვანელი ანდრეი ერმაკი ავრცელებს.

მისი თქმით, გათავისუფლებულებს შორის არიან სამხედროები, მეზღვაურები, სასაზღვრო პოლიციის თანამშრომლები და ეროვნული გვარდიის წევრები.

"ჩვენ შევძელით, ჩაგვეტარებინა კიდევ ერთი ტყვეების გაცვლა. უკან ვაბრუნებთ 100 ადამიანს. ესენი არიან სამხედროები, მეზღვაურები, სასაზღვრო პოლიციის თანამშრომლები და ეროვნული გვარდიის წევრები",- განაცხადა ერმაკმა.

როგორც სამხედრო ტყვეთა მოპყრობის საკოორდინაციო შტაბი იტყობინება, რუსული ტყვეობიდან დაბრუნებულ 100 მებრძოლს შორის 9 ოფიცერია, დანარჩენები რიგითებისა და სერჟანტების წარმომადგენლები, 24 ეროვნული გვარდიელი, 22 მესაზღვრე, საზღვაო ძალების 22 წარმომადგენელი, უკრაინის შეიარაღებული ძალების 21 სამხედრო და 11 ტერორისტი. 

"გათავისუფლებული სამხედროები მონაწილეობდნენ ხერსონის, ხარკოვის, დონეცკის, კიევის, ზაპოროჟიეს და სუმის მიმართულებებში გამართულ ბრძოლებში. მათ შორის არიან მარიუპოლის, ბახმუტისა და გოსტომელის, ასევე ჩონგარის, ზმეინის კუნძულის, ზაპორიჟჟიეს და ჩერნობილის დამცველები. "გათავისუფლებული პატიმრების თითქმის ნახევარი მძიმედ არის დაშავებული, ავადმყოფი ან ნაწამები. მათგან ყველაზე ახალგაზრდა 19 წლისაა", - აცხადებენ შტაბში.

აღსანიშნავია ასევე, რომ რუსეთის ფედერაციის თავდაცვის სამინისტრომ 106 სამხედროს დაბრუნების შესახებ გამოაცხადა.

მანამდე რუსეთმა რამადანის პატივსაცემად, ყველა დატყვევებული მუსლიმის გაცვლაზე უარი თქვა.

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის