2023-04-04 09:18:06, 1379 ნახვა
ომი უკრაინაში
რუსეთი ოდესას დრონებით დაესხა თავს
რუსეთი ოდესას დრონებით დაესხა თავს. აღნიშნულის შესახებ ინფორმაციას უკრაინული მედია ოდესის რეგიონალური სამხედრო ადმინისტრაციის ხელმძღვანელზე, იური კრუკზე დაყრდნობით ავრცელებს.
მისი თქმით, უკრაინის საჰაერო თავდაცვის ძალების მოქმედების შედეგად დრონების ნაწილი ჩამოაგდეს.
დრონების განადგურების შესახებ ინფორმაციას ადასტურებს უკრაინის შეიარაღებული ძალების საჰაერო ძალებიც.
„საერთო ჯამში, დაფიქსირდა უპილოტო საფრენი აპარატების 17-მდე გაშვება, სავარაუდოდ, აზოვის ზღვის აღმოსავლეთ სანაპიროდან. განადგურებულია 14 „შაჰედი“,- აღნიშნულია უკრაინის საჰაერო ძალების განცხადებაში.
ავტორი: ექსპრესნიუსი,
epn.ge (@expressnews.ge)
