ომის შესწავლის ამერიკული ინსტიტუტი (ISW) დღევანდელ ანგარიშში ასახელებს რუსების წინსვლას ბახმუტში - სამხრეთიდან ცენტრამდე და ქალაქის ჩრდილო-დასავლეთით.

გეოლოკაციულ ვიდეოებზე მითითებით, ISW ანალიტიკოსები, წერენ, რომ საერთაშორისო დამნაშავეთა დაჯგუფების "ვაგნერის" დამფუძნებელი ევგენი პრიგოჟინი 27 მარტს იმყოფებოდა ბახმუტის მე-5 სკოლის შენობაში - ამ სკოლიდან ბახმუტის საკრებულოს სამხრეთ-აღმოსავლეთით ერთ კილომეტრზე ნაკლებია.

გარდა ამისა, გეოლოკაციურ სურათებზე დაყრდნობით ISW იუწყება, რომ რუსები დაწინაურდნენ ქალაქის ჩრდილო-დასავლეთით, ინდუსტრიულ ზონაში და ზელენაიასა და ალექსანდრა კოლპაკოვას ქუჩების გასწვრივ - ბახმუტის ცენტრიდან რამდენიმე კილომეტრში.

მოხსენების ავტორები აღნიშნავენ, რომ რუსი სამხედრო ბლოგერების ცნობით, რუსული არმიის რეგულარული ნაწილები ეხმარებიან "ვაგნერის" დაქირავებულებს ბახმუტზე თავდასხმაში.

მეორე მხრივ, ISW ყურადღებას ამახვილებს ანგარიშზე გამოცდილი ვაგნერის მებრძოლის გარდაცვალების შესახებ დონეცკის ჩრდილოეთით, ავდიივკას რაიონში და ვარაუდობს, რომ საერთაშორისო დანაშაულებრივმა დაჯგუფებამ ყველაზე საბრძოლო მზადყოფნა შეიძლება იქ გადაიტანოს.

„ბოლო კვირების განმავლობაში რუსეთის სამხედრო ხელმძღვანელობამ შესაძლოა გადაწყვიტა ვაგნერის გარკვეული ნაწილების გაგზავნა ავდიივკას რაიონში ე.წ დონეცკის სახალხო რესპუბლიკის ამოწურული და უხარისხო ნაწილების მხარდასაჭერად, რომლებიც ცდილობენ ამ ტერიტორიის აღებას“, წერენ ISW ანალიტიკოსები.

„თუ ვაგნერის მებრძოლები. ნამდვილად იბრძვიან ავდიივკას მიმდებარე ტერიტორიაზე, ამით შეიძლება აიხსნას [რუსების] შეზღუდული ტაქტიკური წარმატებები ამ მხარეში ბოლო კვირაში. - აღნიშნულია ანგარიშში.

უკრაინის გენერალური შტაბი სამშაბათს დილით მოხსენებაში კიდევ ერთხელ ირიბად ადასტურებს, რომ ბახმუტი თითქმის ალყაშია: მის სამხრეთში, დასავლეთსა და ჩრდილო-დასავლეთში ბრძოლები მიმდინარეობს.

„ბახმუტის მიმართულებით მტერი აგრძელებს ქალაქ ბახმუტის შტურმს, რომელსაც ჩვენი დამცველები უჭირავთ, ასევე ორეხოვო-ვასილიევკას, ბოგდანოვკას, ივანოვსკოეს და ოზარიანოვკას დასახლებების რაიონებში“, - ნათქვამია მოხსენებაში.

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის