დანიის პარლამენტმა უკრაინის დახმარების ფონდის შექმნის შესახებ მთავრობის წინადადებას მხარი დაუჭირა. აღნიშნულ ინფორმაციას უკრაინის რადა ავრცელებს.

დანიის ფინანსთა მინისტრის, ნიკოლაი ვამენის განცხადებით, უკრაინის დახმარებისთვის 7 მილიარდზე მეტი დანიური კრონი [1 მილიარდი დოლარი] გამოიყოფა.

"ამ შეთანხმებით, ჩვენ გამოვყოფთ 7 მილიარდზე მეტ დანიურ კრონს უკრაინის დამატებითი დახმარებისთვის. მოხარული ვარ, რომ დანიის პარლამენტის აბსოლუტური უმრავლესობა იღებს პასუხისმგებლობას და აჩვენებს, რომ დანია უკრაინის გვერდით დგას“, - განაცხადა ნიკოლაი ვამენმა.

2023 წლისთვის უკრაინის დახმარების ფონდი ითვალისწინებს:

• 5,4 მილიარდი დანიური კრონი სამხედრო მხარდაჭერისთვის. სასწავლო მისიების განხორციელება, იარაღის და სხვა სამხედრო ტექნიკის გადატანა.
• 1,2 მილიარდი დანიური კრონი ჰუმანიტარული დახმარებისთვის და უკრაინის რეკონსტრუქციისთვის.
• 0,4 მილიარდი დანიური კრონი დანიური ბიზნეს ინიციატივების მხარდასაჭერად, რომლებიც მიზნად ისახავს უკრაინის აღდგენას.

"მადლობას ვუხდით დანიის პარლამენტს და მთავრობას ამ მნიშვნელოვანი გადაწყვეტილების, ერთიანობისა და პასუხისმგებლობისთვის! ეს არის უკრაინელი ხალხის გულწრფელი მხარდაჭერისა და პრაქტიკული დახმარების გამოვლინება მათი თავისუფლებისა და მთელი ევროპის უსაფრთხოებისთვის ბრძოლაში", - აცხადებს უკრაინის უმაღლესი რადას თავმჯდომარის მოადგილე ოლენა კონდრატიუკი.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო