რიგგარეშე სხდომის პარალელურად, პარლამენტთან ხვალ მორიგი აქცია გაიმართება. როგორც რუსთაველის გამზირზე საპროტესტო გამოსვლებისას სტუენტებმა თქვეს, აქცია 11:00 საათზე დაიწყება.

საქართველოს პარლამენტის პლენარული სხდომა ხვალ, 10 მარტს გაიმართება. პარლამენტის აპარატის ინფორმაციით, სხდომა 12:00 საათზეა ჩანიშნული, მანამდე კი, 11:45  საათზე კანონმდებლები ბიუროს სხდომაზე შეიკრიბებიან.

აპარატის ცნობით, პარლამენტის შენობაში დაშვების შეზღუდული რეჟიმი იმოქმედებს.

„საქართველოს პარლამენტის სასახლეში და მიმდებარე ტერიტორიაზე უსაფრთხოების დაცვის რეჟიმის შესახებ" საქართველოს პარლამენტის თავმჯდომარის 2016 წლის 30 დეკემბრის N259/3 ბრძანებით დადგენილი რეგულაციების შესაბამისად, იმოქმედებს პარლამენტის შენობაში დაშვების შეზღუდული რეჟიმი. სასახლეში დაიშვებიან აკრედიტებული მედიის წარმომადგენლები, რომლებიც წინასწარ შეთანხმებული იქნება პარლამენტის საზოგადოებასთან ურთიერთობისა და ინფორმაციის დეპარტამენტთან.

 აღნიშნული ღონისძიების მიზანია საქართველოს პარლამენტის წევრებისა, აპარატის თანამშრომლების და პარლამენტის ვიზიტორების უსაფრთხოების დაცვა და სამუშაო პირობების უზრუნველყოფა", - ნათქვამია პარლამენტის აპარატის ინფორმაციაში.

ავტორი: ექსპრესნიუსი,

სოციალური ქსელები

ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო

რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა

ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს