ირაკლი კობახიძემ, გავრილოვის ჩამომთრევმა, გუშინ მეორედ მოაწყო გავრილოვის ღამე, 76 გავრილოვი ზის პარლამენტში, რომლებმაც ხელი მოაწერეს პუტინისტურ რუსულ კანონს,- ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა განაცხადა.

მისივე თქმით, მმართველი პარტია გაუსწორდა მშვიდობიან მოქალაქეებს, რომლებიც დემოკრატიული თავისუფალი სამყაროსთვის იბრძვიან, შესაბამისად პროტესტი არ უნდა შეწყდეს. 

"ვისაც უნდა, რომ თავისუფალ სამყაროსთან ერთად ეზიაროს დემოკრატიას და იცხოვროს ნორმალურ ქვეყანაში - აი, ამ ადამიანებს ფიზიკურად გაუსწორდა გუშინ რუსული ოცნება და ამას აკეთებდნენ დიდი სიამოვნებით. ამასობაში 100-ზე მეტი ადამიანია დაკავებული - ახალგაზრდები, სტუდენტები, სხვადასხვა პარტიის წევრები, აქტივისტები. არის უამრავი დაშავებული ადამიანი. 

გუშინ, კიდევ ერთხელ,მკაფიოდ გამოჩნდა, რომ ადამიანების პროტესტი უკავშირდებოდა არა რომელიმე პოლიტიკური პარტიის პროტესტს, ან პოლიტიკურ გემოვნებას, არამედ ჩვენი ქვეყნის ევროპულ მომავალს. მხოლოდ ამიტომ იყო ადამიანის დიდი ჯგუფი გამოსული და აპროტესტებდა რუსული ოცნების მიღებულ გადაწყვეტილებას. ირაკლი კობახიძემ, გავრილოვის ჩამომთრევმა, გუშინ კიდევ მეორედ მოაწყო გავრილოვის ღამე. აქამდე თუ გვყავდა ერთი გავრილოვი ახლა უკვე ხელმოწერილი 76 გავრილოვი ზის პარლამენტში, რომლებმაც ხელი მოაწერეს პუტინისტურ რუსულ კანონს",- განაცხადა ხაბეიშვილმა. 

ცნობისთვის, საქართველოს პარლამენტში „უცხოური აგენტების შესახებ“ კანონპროექტი პირველი მოსმენით გუშინ, 7 მარტს მიიღეს. პლენარულ სხდომაზე კანონპროექტს მხარი 76-მა დეპუტატმა დაუჭირა, წინააღმდეგ კი, 13 წავიდა.

პროტესტის ნიშნად, რუსთაველის გამზირზე მოქალაქეები შეიკრიბნენ და კანონპროექტის წინააღმდეგ აქცია გამართეს. საკანონმდებლო ორგანოს მიმდებარე ტერიტორიაზე ვითარება უკიდურესად დაიძაბა. შინაგან საქმეთა სამინისტრომ მონაწილეების წინააღმდეგ წყლის ჭავლი და ცრემლსადენი გაზი რამდენჯერმე გამოიყენა და აქცია ძალის გამოყენებით დაშალა.

ანტიდასავლურმა მოძრაობა „ხალხის ძალამ" საქართველოს პარლამენტში „უცხოური გავლენის გამჭვირვალობის შესახებ“ კანონპროექტი თებერვალში დააინიცირა. კანონპროექტის მიხედვით, შეიქმნება უცხოური გავლენის აგენტების რეესტრი, სადაც დარეგისტრირდება ყველა ის არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოური ძალების მიერ ფინანსდება.

აღნიშნული კანონპროექტის ინიცირებას გამოეხმაურა საერთაშორისო საზოგადოება. დასავლეთი და შეერთებული შტატები ერთხმად თანხმდებიან, რომ ასეთ კანონს შეუძლია პოტენციური საფრთხე შეუქმნას საქართველოს ევროატლანტიკურ ინტეგრაციას. „უცხოური აგენტების შესახებ“ კანონპროექტის მიღების წინააღმდეგია არასამთავრობო სექტორი და ოპოზიციაც.

კრიტიკის შემდეგ, "ხალხის ძალამ" კანონპროექტის მეორე ვარიანტიც დააინიცირა, რომელიც მათივე მტკიცებით, "ამერიკული კანონის ანალოგია" და რუსულ ვერსიასთან შედარებით, "ნაკლებად ლიბერალურია".

კანონპროექტს მხარი 2 მარტს, საგარეო ურთიერთობათა და თავდაცვისა და უშიშროების კომიტეტების გაერთიანებულ სხდომაზე, 6 მარტს კი, იურიდიულ კომიტეტზე დაუჭირეს. ორივე საკომიტეტო მოსმენა აქციების ფონზე მიმდინარეობდა.

ავტორი: ექსპრესნიუსი,

სოციალური ქსელები

პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს

ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო

რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა