გარემოს დაცვისა და სოფლის მეურნეობის სამინისტროს სამეცნიერო-კვლევითი ცენტრის დირექტორი ლევან უჯმაჯურიძე მსოფლიო მევენახეობა-მეღვინეობის დარგის წამყვან სპეციალისტებს, კრიტიკოსებს და ჟურნალისტებს შეხვდა. 

საერთაშორისო მედიის წარმომადგენლებს ცნობილი და გავლენიანი გამოცემებიდან, ღვინის ექსპერტებს და კრიტიკოსებს ლევან უჯმაჯურიძემ სამეცნიერო-კვლევითი ცენტრის მიმდინარე და სამომავლო სამეცნიერო-პრაქტიკული საქმიანობის, ქართული ვაზის ჯიშების მოძიება-აღდგენის,  ღვინის დაყენების და მათზე კვლევის განხორციელების შესახებ მიაწოდა ინფორმაცია.

„მსოფლიო მევენახეობა-მეღვინეობის დარგის წამყვანი სპეციალისტების, კრიტიკოსების და ჟურნალისტების საქართველოში ვიზიტი კიდევ ერთი მნიშვნელოვანი აქტივობაა ქართული ვაზისა და ღვინის კულტურის შესახებ ცნობადობის ამაღლების კუთხით, რომელიც ხელს შეუწყობს უძველესი, ადგილობრივი ქართული ვაზის ჯიშების უნიკალურობის შესახებ მსოფლიო მასშტაბით ინფორმაციის გავრცელებას“, - განაცხადა სამეცნიერო-კვლევითი ცენტრის დირექტორმა.

„ქართულ ღვინოს ნამდვილად აქვს დიდი პოტენციალი. საქართველოში გავეცანით ქვევრის ღვინის წარმოებას. ჯიღაურას უნიკალური კოლექცია ნამდვილად აღმოჩენაა ჩვენთვის. დიდი სურვილი გვაქვს კიდევ უფრო ახლოს გავეცნოთ ქართულ მეღვინეობას და მევენახეობას", - განაცხადა Evening Standart -ის ჟურნალისტმა დიდი ბრიტანეთიდან, დუგლას ბლაიდმა.

აღსანიშნავია, რომ ჯიღაურას საკოლექციო ნარგაობაში, დღეისათვის, ქართული 470-მდე და უცხოური 350 ვაზის ჯიშია დაცული, მათ შორის ქართული ვაზის უნიკალური და იშვიათი ჯიშების კოლექცია.

ქართული ღვინის პოპულარიზაციის მიზნით მსოფლიოს სხვადასხვა ქვეყნიდან დარგის წამყვანი სპეციალისტების, კრიტიკოსების და ჟურნალისტების მოწვევის  ინიციატივა ქართველ ბიზნესმენს, კომპანიის „ასკანელი“ დამფუძნებელს, გოჩა ჩხაიძეს ეკუთვნის.

ავტორი: NS (სტატია დაფინანსებულია),

სოციალური ქსელები

ხუთმა ქვეყანამ უარი თქვა რუსეთის ნაკრებთან ერთად 2027 წლის ჰოკეის მსოფლიო ჩემპიონატზე თამაშზე

კობახიძე ბერა ივანიშვილის სარჩელის გამო ქართუმ მედიას მორიჯ ჯერზე ბრიუსელიდან ემუქრება

კობახიძე- საზოგადოებამ იცის, რა წერია გამჭვირვალობის შესახებ კანონში, ქართველმა ხალხმა ნახა, რომ არაფერი რუსული ამ კანონში არ არის

რიონჰესთან მდინარეში გადავარდნილი მანქანიდან ორი ადამიანის ცხედარი ამოასვენეს