ზემო ლარსის სასაზღვრო გამშვებ პუნქტზე ყველა სახის ტრანსპორტის გადასასვლელი დაკეტილია, იტყობინება ჩრდილოეთ ოსეთის საგანგებო სიტუაციების სამინისტრო თავის ტელეგრამაში. - ინფორმაციას РБК ავრცელებს.

„2023 წლის 2 თებერვლის 19:15 საათიდან ქალაქ ვლადიკავკაზის - ლარსის დასახლების მონაკვეთზე რუსეთის ფედერაციის გასვლის მიმართულებით ყველა სახის ავტოტრანსპორტის მოძრაობა აკრძალულია“, - ნათქვამია განცხადებაში.

აკრძალვა იმოქმედებს შემდგომ შეტყობინებამდე.
ინფორმაციაში ნათქვამია, რომ გადაწყვეტილება საქართველოში ამინდის გაუარესების გამო მიიღეს. ამ მხრივ შეუძლებელია სატრანსპორტო საშუალებების მოძრაობის უსაფრთხოების უზრუნველყოფა.

საგანგებო სიტუაციების სამინისტროში აღნიშნეს, რომ მსგავსი რეკომენდაცია საქართველოს სასაზღვრო სამსახურისგანაც მიიღეს.

სექტემბერში, რუსეთში მობილიზაციის გამოცხადების შემდეგ, ათასობით ადამიანმა გადაწყვიტა ქვეყნის დატოვება. სახმელეთო საზღვრებზე მრავალკილომეტრიანი რიგი გაჩნდა. რუსეთ-საქართველოს საზღვარზე მისი სიგრძე 20 კილომეტრზე მეტს აღწევდა. საზღვრის კვეთის მსურველებს რიგში ორი დღის განმავლობაში უწევდათ დგომა. 21 სექტემბრის შემდეგ პირველ სამ დღეში მხოლოდ საქართველოს საზღვარი თითქმის ხუთი ათასმა ავტომობილმა გადმოკვეთა.

ავტორი: ექსპრესნიუსი,

სოციალური ქსელები

კობახიძე - 2022 წლის მარტში საქართველომ, ევროკავშირის წევრობის კანდიდატის სტატუსის მისაღებად განაცხადი წარადგინა, თუმცა საქართველოს განაცხადი არ დაკმაყოფილდა, ეს იყო დიდი შეცდომა

ხუთმა ქვეყანამ უარი თქვა რუსეთის ნაკრებთან ერთად 2027 წლის ჰოკეის მსოფლიო ჩემპიონატზე თამაშზე

კობახიძე ბერა ივანიშვილის სარჩელის გამო ქართუმ მედიას მორიჯ ჯერზე ბრიუსელიდან ემუქრება

კობახიძე- საზოგადოებამ იცის, რა წერია გამჭვირვალობის შესახებ კანონში, ქართველმა ხალხმა ნახა, რომ არაფერი რუსული ამ კანონში არ არის