2023 წელს, დაცული ტერიტორიების სააგენტოს ბიუჯეტი ეკოტურიზმის განვითარებისთვის 23,6 %-ით გაიზრდება.

დაცული ტერიტორიების სააგენტოს ცნობით, 2023 წლის ბიუჯეტში, დაახლოებით, 20 მილიონი ლარის ინვესტირება მოხდება ეკოტურიზმის განვითარებაში, რაც ითვალისწინებს სხვადასხვა დაცულ ტერიტორიაზე ეკოტურისტული ინფრასტრუქტურის მოწყობას, მათ შორის, ბორჯომ-ხარაგაულის, კინტრიშის, მტირალას, ერუშეთისა და ლაგოდეხის დაცულ ტერიტორიებზე; მარტვილის კანიონზე, სათაფლიაში, ოკაცეს კანიონსა და ოკაცეს ჩანჩქერზე დაგეგმილია არსებული ინფრასტრუქტურის რეაბილიტაცია და განახლება. 2023 წელს, განხორციელდება სხვადასხვა პროექტი ეკოტურისტული ცნობიერების ამაღლების კუთხით.

"გარემოს დაცვისა და სოფლის მეურნეობის სამინისტროს შემუშავებული პოლიტიკის შესაბამისად, დაცული ტერიტორიების სააგენტო, საქართველოს მთავრობის, საერთაშორისო დონორი ორგანიზაციების, კერძო ინვესტიციების მხარდაჭერით, აქტიურად მუშაობს საქართველოს დაცულ ტერიტორიებზე ეკოტურიზმის განვითარების მიმართულებით.

დაცული ტერიტორიების სააგენტო, წლების განმავლობაში, აქტიურად მუშაობს დაცული ტერიტორიების საერთაშორისო მხარდაჭერის გაძლიერებაზე. ერთ-ერთი ორგანიზაცია, რომელთანაც სააგენტოს მჭიდრო თანამშრომლობა აკავშირებს, არის კავკასიის ბუნების ფონდი (CNF). აღსანიშნავია, რომ კავკასიის ბუნების ფონდთან (CNF) ურთიერთობა მომდევნო წელსაც გაგრძელდება და მათ მიერ შერჩეულ სამიზნე 11 დაცულ ტერიტორიაზე, საოპერაციო გეგმის შესაბამისად განხორციელდება მცირე ტურისტული ინფრასტრუქტურის მოწყობა, არსებულის განახლება და შესაბამისი ინვენტარით აღჭურვა, ასევე, მომდევნო წლისთვის დაგეგმილია სამიზნე დაცული ტერიტორიების რაოდენობის ზრდა.

აღსანიშნავია, რომ გარემოს დაცვისა და სოფლის მეურნეობის სამინისტროს დაცული ტერიტორიების სააგენტომ, მიმდინარე წელს, ეკოტურიზმის განვითარების მიმართულებით, არაერთი მნიშვნელოვანი პროექტი განახორციელა: გაიხსნა წალკის კანიონის უნიკალური ეკოტურისტული სივრცე, ფშავ-ხევსურეთის ეროვნული პარკის საერთაშორისო სტანდარტის ვიზიტორთა ცენტრი, ნავენახევის მღვიმე; მაჭახელას ეროვნულ პარკში მოეწყო ახალი საგამოფენო სივრცე, მტირალას ეროვნულ პარკში ეკოტურისტული ინფრასტრუქტურა; მოეწყო 900 კილომეტრამდე ბილიკების ქსელი, მათ შორის,  ვაშლოვანის ეროვნულ პარკში, არწივის ხეობაში, ლაგოდეხის დაცულ ტერიტორიებზე, ნინოსხევის ჩანჩქერის ახალი ბილიკი და სხვა", - ნათქვამია დაცული ტერიტორიების სააგენტოს მიერ გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი