ცენტრალურ აზიაში ტექნოლოგიური სერვისების ექსპორტის წახალისების მიზნით, „საქართველოს ბანკმა“ და USAID - ის ეკონომიკური უსაფრთხოების პროგრამამ, ერთობლივი ინიციატივის ფარგლებში, უზბეკეთში ქართული ICT კომპანიების უცხოურ კომპანიებთან შეხვედრას შეუწყო ხელი.

აღნიშნულ  შეხვედრაში მონაწილეობა  ციფრული პროდუქტებისა და სერვისების (ICT)  მიმართულების 11-მა ქართულმა  მცირე და საშუალო კომპანიამ მიიღო და 22 უზბეკურ კომპანიას შეხვდნენ. ვიზიტის ფარგლებში, კომპანიებს ჰქონდათ შესაძლებლობა, მონაწილეობა მიეღოთ B2B შეხვედრებში და მის ფარგლებში პოტენციური მყიდველისთვის წარედგინათ საკუთარი პროდუქცია თუ მომსახურება  და ამავდროულად, დაემყარებინათ კავშირები ადგილობრივ პარტნიორებთან. 

უზბეკეთის ბაზარზე ამ აქტივობაში ქართულ დელეგაციას მხარდაჭერა გამოუცხადა თავად უზბეკურმა მხარემ. კერძოდ, უზბეკეთის რესპუბლიკის საინფორმაციო ტექნოლოგიებისა და კომუნიკაციების განვითარების სამინისტრომ და IT Park-მა, რომლებმაც ქართულ დელეგაციას უმასპინძლეს და უზბეკეთში ბიზნესის კეთების უპირატესობები გააცნეს. ასევე,  დააკავშირეს ადგილობრივ პარტნიორებთან. ტექნოლოგიური კომპანიების შეხვედრის განხორციელებაში, ჩართული იყო AmCham უზბეკეთი, რომელმაც „საქართველოს ბანკთან“ და პროგრამასთან პარტნიორობით სტუმრებს ოფიციალური მიღების ცერემონიაზე უმასპინძლა.

“ICT სექტორი USAID-ის ეკონომიკური უსაფრთხოების პროგრამის ერთერთი პრიორიტეტული მიმართულებაა და ამავდროულად, წარმოადგენს ქვეყნის მისწრაფების წინაპირობას, განავითროს ცოდნის ეკონომიკა. საქართველოს ICT სექტორი საკმაოდ აქტიურია და ქართული კომპანიებიც მოტივირებულები არიან, გაფართოვდნენ საერთაშორისო ბაზრებზე. უზბეკეთში მსგავსი სახის შეხვედრები ტექნოლოგიური კომპანიებისთვის იძლევა უამრავ შესაძლებლობას, არა მხოლოდ სამიზნე საექსპორტო ბაზრის ათვისების მიმართულებით, არამედ, ასევე სთავაზობს უნიკალურ პლატფორმას რეგიონში ახალი პარტნიორების გასაცნობად. შესაბამისად, ჩვენი პროგრამა მხარს უჭერს ქართული კომპანიების განვითარებას უზბეკეთის ბაზარზე,“ - აღნიშნა რატი ანჯაფარიძემ, USAID-ის ეკონომიკური უსაფრთხოების პროგრამის ბიზნესის განვითარების სერვისების ხელმძღვანელმა.

„ჩვენთვის მნიშვნელოვანია ტექნოლოგიური კომპანიების მხარდაჭერა და მათი ხელშეწყობა. უზბეკეთში ტექნოლოგიური კომპანიების შეხვედრის მიზანი იყო ის, რომ დავხმარებოდით ჩვენს წარმატებულ ტექ კომპანიებს ახალი პარტნიორების მოძიებაში და მათი გამორჩეული პროდუქტების ერთერთი ყველაზე მიმზიდველი ბაზრისთვის შეთავაზებაში. ვფიქრობთ, საკმაოდ სასარგებლო ვიზიტი გამოვიდა, რადგან ეს იყო წინ გადადგმული ნაბიჯი საქართველოსა და უზბეკეთის ტექ კომპანიების გაცნობასა და ურთიერთობის გაღრმავებისთვის, რაც ბუნებრივია, მიზანთან დაახლოების საწინდარია”,- განაცხადა ოლღა ნაკაშიძემ, „საქართველოს ბანკის“ დამატებითი ღირებულების სერვისების განვითარების პროექტების მენეჯერმა. 

ავტორი: R (რეკლამა),

სოციალური ქსელები

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის

გურამ დადიანიძის საქმეზე დღეს შსს-სთან აქცია გაიმართა

თბილისში, სკოლაში ძალადობის ორგანიზების ბრალდებით ორი არასრულწლოვანი დააკავეს