ჩვენ თქვენს გვერდით ვართ ყველა შესაძლებელი გზით. - ამის შესახებ ესტონეთის პრემიერ-მინისტრმა, კაია კალასმა განაცხადა.

მისივე თქმით,რუსეთი კონფლიქტის ესკალაციას ახდენს, რომ მოქალაქეებს ზიანი მიაყენოს.

„ჩვენ აქ ვდგავართ, ევროკავშირის აღმოსავლეთ საზღვარზე. ჩვენ ვუგზავნით უკრაინელებს შემდეგ გზავნილს,  ჩვენ თქვენს გვერდით ვართ ყველა შესაძლებელი გზით. ჩვენ, მოკავშირეებმა, აუცილებელად უნდა მოგაწოდოთ საჰაერო თავდაცვის სისტემები, რომ უკრაინელებმა შეძლონ ქალაქების დაცვა, მოქალაქეების დაცვა. რუსეთი კონფლიქტის ესკალაციას ახდენს, რომ მოქალაქეებს ზიანი მიაყენოს. ჩვენ ვდგავართ დაღუპულთა ოჯახებთან და უკრაინასთან“. - ნათქვამია განცხადებაში.

შეგახსენებთ, რომ დღეს 10 ოქტომბერს, დილით, უკრაინის ქალაქები დაბომბვის ქვეშ მოექცა.

მედიისა და ადგილობრივი ხელისუფლების ცნობით თავდასხმის ქვეშ მოექცა კიევი, ხმელნიცკი, ჟიტომირი, ტერნოპილი, ლვოვი, კრემენჩუგი, კრივი რიჰი, ხარკოვი, კონოტოპი, ოდესა და დნიპრო.

ამასთან აღსანიშნავია, რომ უკრაინის ქალაქებში, რუსეთის შემოჭრის დღიდან, ერთ-ერთი ყველაზე დიდი სარაკეტო თავდასხმა განხორციელდა.

უკრაინის შეიარაღებული ძალების მთავარსარდალი, ვალერი ზალუჟნის თქმით, რუსულმა ჯარებმა უკრაინას 75 რაკეტა ესროლეს. მათგან 41 უკრაინის საჰაერო თავდაცვის სისტემამ ჩამოაგდო.

ოფიციალური ინფორმაციით, თავდასხმის შემდეგ კიევში დაიღუპა 8 ადამიანი, ხოლო 24 დაშავდა

ავტორი: ექსპრესნიუსი,

სოციალური ქსელები

სერბულმა ტელეარხმა RTV-მ მაყურებელს წლების განმავლობაში ინფორმაციის ფალსიფიკაციის გამო ბოდიში მოუხადა

„როსსელხოზნადზორი“ საქართველოში ხილ-ბოსტნეულის ფიტოსანიტარიული სერტიფიცირების სისტემას გაეცნობა

კანონპროექტის თანახმად, კაზინოები საერთაშორისო ტურნირების ჩატარებისას საგადასახადო შეღავათით ისარგებლებენ

ლილოს ბაზრობა "ოცნების" მთავარი დამფინანსებელია - მფლობელებმა პარტიას 3,5 მლნ. აჩუქეს - TI