აჭარის ავტონომიური რესპუბლიკის ჯანმრთელობისა და სოციალური დაცვის მინისტრმა, ნინო ნიჟარაძემ და მინისტრის მოადგილეებმა, 2008 წლის აგვისტოს ომში დაღუპული ჯარისკაცების ხსოვნას პატივი მიაგეს და მთავრობის წევრებთან ერთად მემორიალი ყვავილებით შეამკეს.

რუსეთ საქართველოს ომის 14 წლისთავთან დაკავშირებით, აჭარის ა/რ ჯანმრთელობისა და სოციალური დცვის სამინისტრო ომში დაღუპული ჯარისკაცების ოჯახებსა და რუსული აგრესიის შედეგად

დაზარალებულ შშმ სტატუსის მქონე მეომრებს 3000-3000 ლარს გადასცემს. თანხა ასევე გამოეყოფა 2012 წელს ავღანეთში დაღუპული ჯარისკაცების ოჯახებს. ჯამში 27 მეომრის ოჯახზე გაიცემა 81 000 ლარი. 

„დღეს კიდევ ერთხელ გავიხსენეთ ომში დაღუპული გმირები, მთავრობის წევრებთან ერთად პატივი მივაგეთ მათ ხსოვნას. 2014 წლიდან აჭარის ჯანდაცვის სამინისტრო უკვე პროგრამულად გასცემს მატერიალურ დახმარებას. დახმარება გულისხმობს ომის თარიღთან დაკავშირებით თითოულ ოჯახზე 3000 ლარის გაცემას, გარდა ამისა დედის დღესთან დაკავშრებით ამ ოჯახების ქალბატონებისთვის გაიცემა 1000 ლარის ფარგლებში“, - აღნიშნა მინისტრმა, ნინო ნიჟარაძემ.

პროგრამის ფარგლებში, დედისა და ქალთა საერთაშორისო დღესთან დაკავშირებით, მატერიალური დახმარება გაეწია დაღუპული მეომრების დედებსა და მეუღლეებს, თითოეულს 1000 ლარის ოდენობით, სულ 31 ბენეფიციარს. 

დახმარება აჭარის ჯანდაცვის სამინისტროს პროგრამის – „2008 წლის რუსული აგრესიის შედეგად დაღუპულ ან/და შეზღუდული შესაძლებლობის სტატუსის მქონე და 2012 წელს ავღანეთში დაღუპულ მეომართა ოჯახების დახმარების პროგრამის“ ფარგლებში გამოიყოფა. 

პროგრამის საერთო ბიუჯეტი განისაზღვრება 112 000 ლარით.

ავტორი: NS (სტატია დაფინანსებულია),

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ