2022-08-07 15:45:35, 2586 ნახვა
პოლიტიკა
ლიეტუვის საგარეო 2008 წლის ომზე - მაშინ მსოფლიოს უნდა შეეჩერებინა პუტინი, გაკვეთილი ვერ ვისწავლეთ
მაშინ მსოფლიოს უნდა შეეჩერებინა პუტინი, გაკვეთილი ვერ ვისწავლეთ, - ასე ეხმიანება ლიეტუვის საგარეო საქმეთა სამინისტრო 2008 წლის აგვისტოს ომიდან 14 წლის გასვლას.
ლიეტუვა ასევე აღნიშნავს, რომ მტკიცედ უჭერს მხარს საქართველოს ტერიტორიულ მთლიანობასა და სუვერენიტეტს.
"ლიეტუვა მტკიცედ უჭერს მხარს საქართველოს ტერიტორიულ მთლიანობასა და სუვერენიტეტს. 14 წლის წინ რუსეთი შეიჭრა საქართველოში. აგრესიამ გვაჩვენა განახლებული და მუდმივად მზარდი რუსული რევანშიზმი. მაშინ მსოფლიოს უნდა შეეჩერებინა პუტინი. გაკვეთილი ვერ ვისწავლეთ. რუსეთი ახლა უკრაინაში უნდა შევაჩეროთ. საკმარისია", - წერია ლიეტუვის საგარეო საქმეთა სამინისტროს განცხადებაში.
2008 წლის აგვისტოს ომიდან 14 წელი გავიდა. ის საქართველოს უახლესი ისტორიის ყველაზე ტრაგიკულ მოვლენას წარმოადგენს, რომელმაც ქვეყანას უმძიმესი შედეგები მოუტანა.
ავტორი: ექსპრესნიუსი,
epn.ge (@expressnews.ge)
