ეს წერილი გახლავთ ამერიკის მიმართ მორიგი შანტაჟი, - ასე აფასებს "ლეიბორისტული პარტიის" ლიდერი, შალვა ნათელაშვილი ყოფილი პრემიერ-მინისტრის, ბიძინა ივანიშვილის მიერ გამოქვეყნებულ წერილს. 

მისი თქმით, საუკუნის ტყუილია, როდესაც დასანქცირების შიშის შემდეგ, აშშ-ს ელჩს შანტაჟი და ქვეყნის ომში ჩართვა დააბრალო. 

"საზოგადოების შეწუხებაზე კი არ არის საქმე, მან დაკარგა 600 მილიონი შვეიცარიის ბანკში ძალიან სწორად და კიდევ დაკარგა 2 მილიარდი იმ ტრასტის მეშვეობით, რომელიც თვითონვე დაიქირავა. ეს წერილი გახლავთ ამერიკის მიმართ მორიგი შანტაჟი: აი, მე თუ დავსანქცირდები საბოლოოდ, მაშინ მოვაღებ პირს და ვიტყვი, რომ თქვენი ელჩი თქვენი დავალებით მაიძულებდა, ომი დამეწყო რუსეთისათვის. თითქოს ორ დღეში აიღებდა მოსკოვს. აი საუკუნის ტყუილი, - განაცხადა შალვა ნათელაშვილმა. 

შეგახსენებთ, რომ 27 ივლისს, საქართველოს ყოფილმა პრემიერ-მინისტრმა, ბიძინა ივანიშვილმა განცხადება გაავრცელა, სადაც დაადასტურა, რომ აშშ-ს ელჩს კელი დეგნანს სამი საათის განმავლობაში ხვდებოდა. ოლიგარქმა ასევე გააგრძელა მმართველი პარტიის რიტორიკა იმის შესახებ, რომ "გარკვეულ ძალებს საქართველოს ომში ჩათრევა სურთ". სრული განცხადება შეგიძლიათ ნახოთ აქ. 

ავტორი: ექსპრესნიუსი,

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა